ସୁଶୀଲ କୁମାର ବାଗ21/06/2023 at 7:58 PM
କଳାହାଣ୍ଡି: କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ସହର ନିକଟସ୍ଥ ବଡ଼ପଡ଼ାରେ ଜଣେ ବିବାହିତା ମହିଳାଙ୍କ ଝୁଲନ୍ତା ଶବ ଉଦ୍ଧାର କରିଛି ଲାଞ୍ଜିଗଡ଼ ପୁଲିସ ! ସୂଚନାନୁସାରେ, ଲାଞ୍ଜିଗଡ଼ ବ୍ଲକ ପାହାଡ଼ପଦର ପଞ୍ଚାୟତ ବୋରପଦର ଗାଁର ବ୍ରୁଷଭ ନାଏକଙ୍କ ଝିଅ ବାସନ୍ତୀ ନାଏକ ଗତ ବର୍ଷକ ତଳେ ଲାଞ୍ଜିଗଡ଼ ବଡ଼ପଡ଼ାର ବିଶ୍ବନାଥ ବିଭାରଙ୍କୁ ବିବାହ କରିଥିଲେ ! ତେବେ କୌଣସି କାରଣକୁ ନେଇ ମଙ୍ଗଳବାର ବିଳମ୍ବିତ ରାତିରେ ନିଜ ଓଢ଼ଣୀରେ ଫାଶି ଲଗାଇ ବାସନ୍ତୀ ଆତ୍ମହତ୍ୟା କରିଥିବାବେଳେ ଆଜି ସକାଳୁ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହିତ ତଦନ୍ତ ଆରମ୍ଭ କରିଥିଲା ! ଏହି ସମୟରେ ବାସନ୍ତୀଙ୍କ ପରିବାର ଲୋକେ ଘଟଣାସ୍ଥଳରେ ପହଞ୍ଚି ଯୌତୁକ ନିର୍ଯାତନା ଦେଇ ଝିଅକୁ ହତ୍ୟା କରାଯାଇଥିବା ନେଇ ପୁଲିସ ନିକଟରେ ଅଭିଯୋଗ କରିବା ପରେ ପୁଲିସ ପକ୍ଷରୁ ଏକ କେସ୍ ନଂ ୪୧/୨୩ରେ ଏକ ମାମଲା ରୁଜୁ କରାଯାଇ ବାସନ୍ତୀଙ୍କ ସ୍ବାମୀ ବିଶ୍ବନାଥକୁ ଅଟକ ରଖିଥିବା ଜଣାପଡ଼ିଛି ! ଅପରପକ୍ଷରେ ଅଭିଯୋଗ ପରେ ଭବାନୀପାଟଣାରୁ ସାଇଣ୍ଟିଫିକ୍ ଟିମ୍ ଆସି ତଦନ୍ତ କରିଥିବାବେଳେ ମାଜିଷ୍ଟ୍ରେଟ ଦାୟିତ୍ବରେ ଲାଞ୍ଜିଗଡ଼ ତହସିଲଦାର ମୁନୀନ୍ଦ୍ର ହୋନ୍ନାଗାଙ୍କ ଉପସ୍ଥିତିରେ ଶବ ବ୍ୟବଚ୍ଥେଦ କରାଯାଇ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି ! ଏନେଇ ଲାଞ୍ଜିଗଡ଼ ଥାନାଧିକାରୀ ଉତ୍ତମ କୁମାର ସାହୁ ଘଟଣାର ତଦନ୍ତ କରୁଥିବା ଜଣାପଡ଼ିଛି !