ସୁଶୀଲ କୁମାର ବାଗ7/10/2023 at 5:53 AM
କଳାହାଣ୍ଡି,୦୬/୧୦-କଳାହାଣ୍ଡି ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲାର ବିଭିନ୍ନ କାର୍ଯ୍ୟାଳୟରେ କାର୍ଯ୍ୟରତ ସେକ୍ସନ ଅଫିସର, ରାଜସ୍ବ ପରିଦର୍ଶକ, ବରିଷ୍ଠ ରାଜସ୍ବ ସହାୟକ, କନିଷ୍ଠ ରାଜସ୍ବ ସହାୟକ, ରାଜସ୍ବ ନିରୀକ୍ଷକ, ଅତିରିକ୍ତ ରାଜସ୍ବ ନିରୀକ୍ଷକ ପଦବୀରେ ଏକ ବଡ଼ ଧରଣର ଅଦଳ ବଦଳ କରାଯାଇଛି ! ଜିଲ୍ଲାର ବିଭିନ୍ନ କାର୍ଯ୍ୟାଳୟରେ କାର୍ଯ୍ୟରତ ୧୧ ଜଣ ସେକ୍ସନ ଅଫିସର, ୯ ଜଣ ରାଜସ୍ବ ପରିଦର୍ଶକଙ୍କୁ ଜିଲ୍ଲା ମଧ୍ୟରେ ଅନ୍ୟତ୍ର ବଦଳି କରାଯାଇଛି ! ସେହିପରି ଜିଲ୍ଲାର ୫୩ ଜଣ ବରିଷ୍ଠ ସହାୟକଙ୍କୁ ଅନ୍ୟତ୍ର ବଦଳି କରାଯାଇଥିବାବେଳେ ୧୧ ଜଣ କନିଷ୍ଠ ରାଜସ୍ବ ସହାୟକ, ୩୫ ଜଣ ରାଜସ୍ବ ନିରୀକ୍ଷକ, ୬ ଜଣ ସହକାରୀ ରାଜସ୍ବ ନିରୀକ୍ଷକ, ଜଣେ ଅମିନଙ୍କୁ ଅନ୍ୟତ୍ର ବଦଳି ନିର୍ଦ୍ଦେଶ ହୋଇଥିବା ଜଣାପଡ଼ିଛି ! ଅପରପକ୍ଷରେ ତିନିଜଣ ବରିଷ୍ଠ ରାଜସ୍ବ ସହାୟକଙ୍କୁ ସେକ୍ସନ ଅଫିସର ଭାବେ ପଦୋନ୍ନତି ମିଳିଛି ! ଛଅଜଣ କନିଷ୍ଠ ରାଜସ୍ବ ସହାୟକ, ବରିଷ୍ଠ ରାଜସ୍ବ ସହାୟକ ଭାବେ ପଦୋନ୍ନତି ପାଇଛନ୍ତି ! ତେବେ ବଦଳି କିମ୍ବା ପଦୋନ୍ନତି ହୋଇଥିଲେ ହେଁ ୬ ଜଣ କର୍ମଚାରୀଙ୍କୁ ସେମାନଙ୍କ ବର୍ତ୍ତମାନ କାର୍ଯ୍ୟସ୍ଥଳରେ ପୁନଃଅବସ୍ଥାପିତ କରାଯାଇଛି ! କଳାହାଣ୍ଡି ଜିଲ୍ଲାପାଳ ପି. ଅନ୍ବେଷା ରେଡ୍ଡୀ ଏକାଦିକ୍ରମେ ଜିଲ୍ଲାର ରେକର୍ଡ ସଂଖ୍ୟକ ୧୨୬ ଜଣ କର୍ମଚାରୀଙ୍କ ବଦଳି ଓ ୯ ଜଣ କର୍ମଚାରୀଙ୍କ ପଦୋନ୍ନତିରେ ମୋହର ଲଗାଇଛନ୍ତି ! ଯାହାକି ଜିଲ୍ଲାରେ ଚର୍ଚ୍ଚାର ବିଷୟ ହୋଇଛି !