ସୁଶୀଲ କୁମାର ବାଗ11/10/2023 at 7:31 PM
କଳାହାଣ୍ଡି,୧୧/୧୦- ଓଡ଼ିଶା ସରକାରଙ୍କ ମିଶନ ଶକ୍ତି ବିଭାଗ ପକ୍ଷରୁ ଆଜି ରାଜ୍ୟ ବ୍ୟାପି ମିଶନଶକ୍ତି ସ୍କୁଟର ଯୋଜନାର ଶୁଭାରମ୍ଭ କରାଯାଇଛି ! ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାରା ରାଜ୍ୟରେ ମିଶନ ଶକ୍ତି ସ୍କୁଟର ଯୋଜନାର ଶୁଭାରମ୍ଭ କରିଛନ୍ତି।ଏହି ପରିପ୍ରେକ୍ଷୀରେ ଆଜି ଭବାନୀପାଟଣାସ୍ଥିତ ଓସୱାନ୍ ହଲରେ ଜିଲ୍ଲାପାଳ ପି.ଅନ୍ଵେଷା ରେଡ୍ଡୀ, ଜିଲ୍ଲା ପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର କୁମାର ସିଂହଦେଓ, ପୌରପରିଷଦ ଅଧ୍ୟକ୍ଷା ସଞ୍ଜୁକ୍ତା ବେହେରା, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ସଚିନ ପାୱାର ପ୍ରକାଶ , ବିସିସି ବ୍ୟାଙ୍କ୍ ସଭାପତି ଗିରିଶ ଚନ୍ଦ୍ର ବେହେରା ପ୍ରମୁଖ ଭର୍ଚୁଆଲ ମୋଡ୍ ରେ ଯୋଡି ହୋଇଥିଲେ । ମିଶନ ଶକ୍ତି ସ୍କୁଟର ଯୋଜନାରେ ଅନ୍ତର୍ଗତ ଜିଲ୍ଲାର ୧୩ଟି ବ୍ଲକରୁ ୨୩୨୭ଟି ଆବେଦନ ଗ୍ରହଣ କରାଯାଇ ୨୨୩୦ଟି ଆବେଦନକୁ ବ୍ଯାଙ୍କ ଋଣ ପାଇଁ ସୁପାରିଶ କରାଯାଇଥିଲା ଏବଂ ବର୍ତ୍ତମାନ ୭୪୬ଟି ବ୍ୟାଙ୍କ ଦ୍ଵାରା ଅନୁମୋଦିତ ହୋଇଛି । ଆଜି ଏହି ଅବସରରେ ୧୩ଟି ବ୍ଲକ ରେ ୩୬୪ ଜଣ ହିତାଧିକାରୀଙ୍କୁ ନୂତନ ସ୍କୁଟର ହସ୍ତାନ୍ତର କରାଯାଇଥିଲା। ଓସୱାନ ହଲ ପ୍ରାଙ୍ଗଣରେ ଜିଲ୍ଲାପରିଷଦ ଅଧ୍ୟକ୍ଷ ଏବଂ ଜିଲ୍ଲାପାଳ ପତାକା ଦେଖାଇ ସ୍କୁଟର ଆରୋହୀମାନଙ୍କୁ ଶୁଭେଚ୍ଛା ଜଣାଇଥିଲେ । ଭବାନୀପାଟଣା ଗ୍ରାମାଞ୍ଚଳରୁ ୧୧୦ ଜଣଙ୍କୁ ସ୍କୁଟର ହସ୍ତାନ୍ତର କରାଯାଇଥିଲା । ଏଇ ଅବସରରେ ଜିଲ୍ଲା ସୂଚନା ଓ ଲୋକ ସଂପର୍କ ଅଧିକାରୀ ମନୋଜ ବେହେରା ,ଏଲଡିଏମ୍ ଧ୍ରୁବପ୍ରସାଦ ସିଂହ, ଡି.ଏସ୍.ଡବ୍ଲୁ.ଓ ପ୍ରଭାତିରାଣୀ ତ୍ରିପାଠୀ, ଡିପିିସି ମିଶନ ଶକ୍ତି ଅମୃତ ପାଢୀ ଏବଂ ବ୍ୟାଙ୍କ କର୍ମକର୍ତ୍ତା ଉପସ୍ଥିତ ଥିଲେ ।