କ୍ଷତ୍ରୀୟ ପାଇକ ସମାଜ ମହାସଭା ପାଇଁ ପ୍ରସ୍ତୁତି : ଲାଞ୍ଜିଗଡ ପଲ୍ଲୀ ଓ ଉପମଣ୍ଡଳର ନୂତନ କର୍ମକର୍ତ୍ତା ଚୟନ

କଳାହାଣ୍ଡି,୧୭/୧୨-କଳାହାଣ୍ଡି କ୍ଷତ୍ରିୟ ପାଇକ ସମାଜର କୁଳାଧ୍ୟକ୍ଷ ଚନ୍ଦ୍ରଧ୍ଵଜ ପେସନିଆଙ୍କ ଆହ୍ୱାନ କ୍ରମେ ଲାଞ୍ଜିଗଡ଼ ଭୈରବ ମନ୍ଦିର ପ୍ରାଙ୍ଗଣରେ ଲାଞ୍ଜିଗଡ଼ ଉପ ମଣ୍ଡଳର କୁଳସୋଦର ଯୁଧିଷ୍ଠିର ପାତ୍ରଙ୍କ ସଭାପତିତ୍ୱରେ ଆଗାମୀ କ୍ଷତ୍ରିୟ ପାଇକ ମହାସଭା ପାଇଁ ପ୍ରସ୍ତୁତି ସହିତ ଲାଞ୍ଜିଗଡ ପଲ୍ଲୀ ଓ ଉପମଣ୍ଡଳର ନୂତନ କର୍ମକର୍ତ୍ତା ଚୟନ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ନୂତନ ପଲ୍ଲୀ ସଭାପତି ଭାବେ ଶିଶିର ପୂଜାରୀ, ଉପସଭାପତି ଭାବେ ସନ୍ତୋଷ ଦଣ୍ଡସେନା, ସଂପାଦକ ଭାବେ ଭୂପେନ୍ଦ୍ର ମହାରଥା, ସହ ସମ୍ପାଦକ ଭାବେ ବିରଞ୍ଚି ବନ୍ଧପାରିଆ, କୋଷାଧ୍ୟକ୍ଷ ଭାବେ ଜଗଦୀଶ ଚଲାନ, ପଲ୍ଲୀ ସଦସ୍ୟ ଭାବେ ଫାଲ୍ଗୁନୀ ମୁଣ୍ଡଛିନା, ରାମଚନ୍ଦ୍ର ବନ୍ଧପାରିଆ, ରାମଚନ୍ଦ୍ର ରାଉତ, ଅନନ୍ତ ଦଳେଇ, ଗୌରୀ ପ୍ରଧାନୀ ପ୍ରମୁଖଙ୍କୁ ମନୋନୀତ କରାଯାଇଥିଲା। ସେହିପରି ଲାଞ୍ଜିଗଡ ଉପମଣ୍ଡଳର ନୂତନ କର୍ମକର୍ତ୍ତା ଭାବେ କୁଳସୋଦର ଯୁଧିଷ୍ଠିର ପାତ୍ର, ଉପ କୁଳସୋଦର ପିତାମ୍ବର ଡମବିଶି, ସମ୍ପାଦକ କାର୍ତ୍ତିକ ଓଡ଼ିଆ, ମଣ୍ଡଳ ସଦସ୍ୟ ସନାତନ ରାଉତ, ଚଲାନ ଭାବେ ମହେନ୍ଦ୍ର ରାଉତ, ମଧୁ ପ୍ରଧାନୀ ପ୍ରମୁଖଙ୍କୁ ମନୋନୀତ କରାଯାଇଥିଲା। ଏହି ଅବସରରେ ଲାଞ୍ଜିଗଡ ପଲ୍ଲୀ ଓ ଉପ ମଣ୍ଡଳ ଅଞ୍ଚଳରୁ ଛଅଶହରୁ ଅଧିକ ପୁରୁଷ ଓ ମହିଳା ସଦସ୍ୟ ଉପସ୍ଥିତ ଥିଲେ।