ସୁଶୀଲ କୁମାର ବାଗ31/12/2023 at 7:32 PM
କଳାହାଣ୍ଡି,୩୧/୧୨-କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକର ଦୁର୍ଗମରୁ ଦୁର୍ଗମ ଅଞ୍ଚଳରେ ଉଲ୍ଲେଖନୀୟ ସ୍ବାସ୍ଥ୍ୟସେବା ପ୍ରଦାନ ଭଳି ମହତ୍ବପୂର୍ଣ୍ଣ ଅବଦାନ ପାଇଁ ସୋନପୁର ଜିଲ୍ଲାସ୍ଥିତ ମହାନଦୀ ନେତ୍ର ଚିକିତ୍ସାଳୟର ଏକ ସ୍ବତନ୍ତ୍ର ଉତ୍ସବରେ ସମ୍ମାନିତ ହୋଇଛନ୍ତି ଲାଞ୍ଜିଗଡ଼ସ୍ଥିତ ବେଦାନ୍ତ ହସ୍ପିଟାଲ ପରିଚାଳନା ଅଧିକାରୀ ଅମର କୁମାର ମହାନ୍ତି। ଶ୍ରୀ ମହାନ୍ତି ବେଦାନ୍ତ ହସ୍ପିଟାଲ ପରିଚାଳନା ଭାର ଗ୍ରହଣ କରିବା ଦିନଠାରୁ ବେଦାନ୍ତ ଲିମିଟେଡ୍ ଦ୍ବାରା ସିଏସ୍ଆର୍ କାର୍ଯ୍ୟକଳାପ ଅନ୍ତର୍ଗତ ସ୍ବାସ୍ଥ୍ୟ ଓ ପରାମର୍ଶ ସେବା ଉପରେ ଫୋକସ କରିଆସୁଛନ୍ତି। ଯଦ୍ବାରା ବ୍ଲକର ଗରିବ ଓ ଅସହାୟ ବିଶେଷ କରି ପ୍ରକଳ୍ପ ପ୍ରଭାବିତ ଲୋକେ ଅଚିରେ ସ୍ବାସ୍ଥ୍ୟସେବା ପାଇପାରୁଥିବାବେଳେ ବେଦାନ୍ତ ଦ୍ବାରା ମାଗଣା ସ୍ବାସ୍ଥ୍ୟ ଶିବିର ଓ ମାଗଣା ଆମ୍ବୁଲାନ୍ସ ସେବା ବରଦାନ ସାବ୍ୟସ୍ତ ହୋଇଛି। ଏଇକ୍ରମରେ ଶ୍ରୀ ମହାନ୍ତିଙ୍କୁ ସମ୍ମାନିତ କରାଯାଇଥିବାବେଳେ ଏହାକୁ ନେଇ ଲାଞ୍ଜିଗଡ଼ ଅଞ୍ଚଳରେ ଖୁସିର ଲହରୀ ଖେଳିଯାଇଛି।