ଗରୁଡ ଧ୍ୱଜ ଚୌଧୁରୀ1/01/2024 at 6:59 PM
ପାରଳାଖେମୁଣ୍ଡି:୧/୧(ଗରୁଡ଼ ଧ୍ଵଜ ଚୌଧୁରୀ)ପିକନିକ୍ ହେଲା କାଳ । ଗଜପତି ଗଞ୍ଜାମ ସୀମାନ୍ତ ତପ୍ତପାଣି ଘାଟିରୁ ଓଲଟି ପଡିଲା ଟୁରିଷ୍ଟ ବସ୍ । ଯାଜପୁର ରୁ ଟୁରିଷ୍ଟ ମାନଙ୍କୁ ନେଇ ପିକନିକ ପାଇଁ ଆସିଥିବା ଏକ ଘରୋଇ ବସ୍ ପିକନିକ୍ ସାରି ଫେରୁଥିବା ବେଳେ ତପ୍ତପାଣି ଘାଟିରେ ଓଲଟି ପଡିଥିବା ସୂଚନା ମିଳିଛି । ଗଜପତି ଜିଲ୍ଲା ଜିରାଙ୍ଗରୁ ଫେରିବା ବେଳେ ପାଟପୁର ଥାନା ଅନ୍ତର୍ଗତ ତପ୍ତପାଣି ଘାଟିରେ ଓଲଟିଲା ଘରୋଇ ବସ ଦୁର୍ଘଟଣା ଫଳରେ ୩୫ ରୁ ଉର୍ଦ୍ଧ୍ବ ଆହତ ହୋଇଛନ୍ତି । ଆହତଙ୍କ ମଧ୍ୟରୁ ୬ ଜଣଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିବା ସୂଚନା ମିଳିଛି । ବସ୍ରେ ୬୦ରୁ ଉର୍ଦ୍ଧ୍ବ ଯାତ୍ରୀ ଥିବା ଜଣାପଡିଛି । ଆହତଙ୍କୁ ଉଦ୍ଧାର କରି ଦିଗପହଣ୍ଡି ମେଡିକାଲ କୁ ନେଇଥିବା ସୂଚନା ମିଳିଛି |ମିଳିଥିବା ସୂଚନା ଅନୁସାରେ, ଯାଜପୁରରୁ ଟୁରିଷ୍ଟ ଏକ ଘରୋଇ ବସ୍ ଯୋଗେ ପିକନିକ୍ କରିବାକୁ ଆସିଥିଲେ । ନୂଆଁ ବର୍ଷ ପୂର୍ବରୁ ପିକନିକ ସ୍ଥଳ ତପ୍ତପାଣିରେ ପର୍ଯ୍ୟଟକ ଙ୍କ ବେଶ ଗହଳି ଲାଗିରହିଥିବା ବେଳେ ତପ୍ତପାଣି ଘାଟିରେ ଓଲଟିଛି ଘୋରେଇ ବସ | ପାଟପୁର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଥିବା ସୂଚନା ମିଳିଛି |ଏହି ଖବର ପାଇ ମୋହନା ବ୍ଲକ ଅଧ୍ୟକ୍ଷ ରଞ୍ଜୀବ ଶବର ଘଟଣା ସ୍ଥଳରେ ପହଞ୍ଚି ଆହାତ ମାନଙ୍କୁ ଦିଗପହଣ୍ଡି ସ୍ବାସ୍ଥ୍ୟ କେନ୍ଦ୍ରରେ ପହଞ୍ଚାଇ ପ୍ରାଥମିକ ଚିକିତ୍ସା କରାଇ ଗୁରୁତର ଅବସ୍ଥାରେ ଥିବା ବ୍ୟକ୍ତିଙ୍କୁ ବ୍ରହ୍ମପୁର ପଠାଇବା ବ୍ୟବସ୍ଥା କରୁଥିବା ଦେଖିବାକୁ ମିଳିଛି।