ପୁଣି ବଦଳିଲା ଟ୍ବିଟର ଲୋଗୋ; ଫେରିଲା ବ୍ଲୁ ବାର୍ଡ, ହଟିଲା ଡଗି

ପ୍ରଜ୍ଞା ପଟ୍ଟନାୟକ

ନୂଆଦିଲ୍ଲୀ: ମାତ୍ର ୩ ଦିନ ପରେ ପୁଣି ବଦଳିଲା ଟ୍ବିଟର ଲୋଗୋ। ଫେରିଲା ନୀଳ ପକ୍ଷୀ, ହଟିଲା ଡଗି। ଗତ ୪ ତାରିଖରେ ମାଇକ୍ରୋ ବ୍ଲଗିଂ ସାଇଟ୍ ଟ୍ୱିଟରର ଲୋଗୋରୁ ନୀଳ ପକ୍ଷୀକୁ ହଟାଇ ଦିଆଯାଇଥିଲା। ସେହି ସ୍ଥାନରେ ଏକ ଡଗିକୁ ବସାଇ ଦିଆଯାଇଥିଲା। ହେଲେ ଆଜି ପୁଣି ଥରେ ବଦଳିଯାଇଛି ଲୋଗୋ। ପୁଣ ଥରେ ଦେଖିବାକୁ ମିଳିଛି ସେହି ପୁରୁଣା ନୀଳ ପକ୍ଷୀକୁ ।

ମସ୍କ ଗତ ଫେବୃଆରୀରେ ଏକ ଡଗିର ଫଟୋ ସେୟାର କରିଥିଲେ ଏବଂ ଏହାକୁ ବେଶ ଚମତ୍କାର ବୋଲି କହିଥିଲେ। ସେବେଠାରୁ ଟ୍ୱିଟରରେ କିଛି ବଡ଼ ପରିବର୍ତ୍ତନ ହୋଇପାରେ ବୋଲି ଆଶା କରାଯାଉଥିଲା। ଏହାପରେ ହଠାତ୍‌ ୪ ତାରିଖ ସକାଳୁ ଟ୍ୱିଟରର ଲୋଗୋ ବଦଳି ଯାଇଥିବା ଦେଖିବାକୁ ମିଳିଥିଲା।

କିଛି ଦିନ ପାଇଁ ଟ୍ୱିଟରର ଲୋଗୋ ବନିଥିବା ଏହି ଡଗିର ନାଁ ହେଉଛି କାବୋସୁ ଏବଂ ଏହା ଏକ ଜାପାନୀ କୁକୁର।