ସୁଶୀଲ କୁମାର ବାଗ26/01/2024 at 3:27 AM
କଳାହାଣ୍ଡି,୨୫/୦୧-ସମ୍ଭାବ୍ୟ ନିର୍ବାଚନକୁ ଆଖି ଆଗରେ ରଖି ଓଏଏସ୍ ସ୍ତରରେ ଆଜି ଏକ ବଡ଼ ଧରଣର ଅଦଳବଦଳ କରାଯାଇଛି। ସାରା ରାଜ୍ୟର ୧୧୧ ଜଣ ଓଡ଼ିଶା ପ୍ରଶାସନିକ ସେବା ଅଧିକାରୀ ବଦଳିବା ନେଇ ରାଜ୍ୟ ରାଜସ୍ବ ଓ ବିପର୍ଯ୍ୟୟ ପ୍ରଶମନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ଏଇ କ୍ରମରେ କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବିଡିଓ ଶଶାଙ୍କ ପାତ୍ରଙ୍କୁ ବଉଦ ଜିଲ୍ଲାର ଡେପୁଟି କଲେକ୍ଟର ଭାବେ ବଦଳି ହୋଇଥିବାବେଳେ ସୁନ୍ଦରଗଡ଼ରେ ଡେପୁଟି କଲେକ୍ଟର ଥିବା ୨୦୨୩ ବ୍ୟାଚ୍ ତଥା ୨୩୯ ରେଙ୍କ ହୋଲଡର ସୁଧୀର କୁମାର ନନ୍ଦଙ୍କୁ ଲାଞ୍ଜିଗଡ଼ ବିଡିଓ ଭାବେ ବଦଳି କରାଯାଇଛି। ସେହିପରି ଏନ୍. ଜଗଜୀବନ ଚୌଧୁରୀଙ୍କ ସ୍ଥାନରେ ରିପୁନାଥ ସୁନା ନର୍ଲା ବିଡିଓ, ପ୍ରୀତା କୁମାରଙ୍କ ସ୍ଥାନରେ ଚନ୍ଦନ କୁମାର ଭୋଇ ଭବାନୀପାଟଣା ସଦର ବିଡିଓ, କର୍ଲାମୁଣ୍ଡା ବିଡିଓ ଭାବେ ମଣ୍ଟୁ ଖମାରୀ ଯୋଗଦେବେ ବୋଲି ବିଜ୍ଞପ୍ତି ପ୍ରକାଶ ପାଇଛି।