ପ୍ରଜ୍ଞା ପଟ୍ଟନାୟକ20/04/2023 at 11:55 AM
ନୂଆଦିଲ୍ଲୀ: ଆଜି ହେଉଛି ଚଳିତ ବର୍ଷର ପ୍ରଥମ ସୂର୍ଯ୍ୟପରାଗ। ଆଜିର ସୂର୍ଯ୍ୟପରାଗକୁ ମିଶ୍ରିତ ସୂର୍ଯ୍ୟ ପରାଗ ବା ହାଇବ୍ରିଡ୍ ସୂର୍ଯ୍ୟ ପରାଗ ବୋଲି କୁହାଯାଉଛି। ପୂର୍ଣ୍ଣ ସୂର୍ଯ୍ୟ ପରାଗ ଓ ବଳୟ ସୂର୍ଯ୍ୟ ପରାଗର ମିଶ୍ରଣ ହୋଇଥିବାରୁ ଏହାକୁ ମିଶ୍ରିତ ସୂର୍ଯ୍ୟ ପରାଗ କୁହାଯାଏ । ଏଭଳି ହାଇବ୍ରିଡ୍ ସୂର୍ଯ୍ୟ ପରାଗ ଶହେ ବର୍ଷରେ ଥରେ ପଡ଼ିଥାଏ। ଏହି ପରାଗ ଆଜି ପୂର୍ବାହ୍ନ ୭ଟା ୪ ମିନିଟରୁ ୧୨ଟା ୨୯ ମିନିଟ ପର୍ଯ୍ୟନ୍ତ ଦୃଶ୍ୟମାନ ହେବ। ତେବେ ଏହା ଭାରତରେ ଦୃଶ୍ୟମାନ ହେବ ନାହିଁ । ଭାରତ ବାହାରେ ଏହାର ପ୍ରଭାବ ଦେଖିବାକୁ ମିଳିବ।
ଏହା ଅଷ୍ଟ୍ରେଲିଆ, ନ୍ୟୁଜିଲାଣ୍ଡ ଓ ଏସିଆର ଉତ୍ତର ପୂର୍ବ ଦେଶ ତଥା ମହାସାଗର ସଂଲଗ୍ନ ଦେଶ ଗୁଡ଼ିକରେ ଦୃଶ୍ୟମାନ ହେବ। ଚଳିତ ଥର ଚନ୍ଦ୍ର ଓ ସୂର୍ଯ୍ୟ ମଧ୍ୟରେ ଦୂରତା ୩ ଲକ୍ଷ ୭୮ ହଜାର କିଲୋମିଟର ରହିଛି । ଫଳରେ ଉଭୟ ପୂର୍ଣ୍ଣ ଓ ବଳୟ ସୂର୍ଯ୍ୟ ପରାଗ ହେଉଥିବାରୁ ଏହାକୁ ବିରଳ ତଥା ମିଶ୍ରିତ ସୂର୍ଯ୍ୟ ପରାଗ ବୋଲି କୁହାଯାଉଛି।