ଧର୍ମଘଟ କରିପାରିବେନି ଆଇନଜୀବୀ; ଏସ୍ସି
ନୂଆଦିଲ୍ଲୀ: ସୁପ୍ରିମକୋର୍ଟ ଗୁରୁବାର କହିଛନ୍ତି ଯେ ଆଇନଜୀବୀମାନେ ଧର୍ମଘଟ କରିପାରିବେ ନାହିଁ କିମ୍ବା କାର୍ଯ୍ୟରୁ ନିବୃତ୍ତ ରହିପାରିବେ ନାହିଁ। ଆଜି ଏଭଳି ଏକ ନିର୍ଦ୍ଦେଶ ଦେଇଛନ୍ତି ସୁପ୍ରିମ୍କୋର୍ଟ। ଏସ୍ସି ଆହୁରି କହିଛନ୍ତି ଯେ ମୁଖ୍ୟ ବିଚାରପତିଙ୍କ ନେତୃତ୍ୱରେ ରାଜ୍ୟ ସ୍ତରରେ ଅଭିଯୋଗ ସମାଧାନ କମିଟି ଗଠନ କରାଯିବ। ସେଠାରେ ସମସ୍ତ ଆଇନଜୀବୀ ପ୍ରକୃତ ସମସ୍ୟାର ସମାଧାନ ପାଇଁ ଆବେଦନ କରିପାରିବେ। ଏ ନେଇ ଏସ୍ସି ସମସ୍ତ ହାଇକୋର୍ଟ ଓ ଆଇନଜୀବୀଙ୍କୁ ନିର୍ଦ୍ଦେଶ ଦେଇଛନ୍ତି।
ଜଷ୍ଟିସ୍ ଏମ୍.ଆର୍ ଶାହା ଏବଂ ଅହସାନୁଦ୍ଦିନ ଅମାନୁଲ୍ଲାଙ୍କ ନେତୃତ୍ୱରେ ଗଠିତ ଏକ ଖଣ୍ଡପୀଠ କହିଛନ୍ତି ଜିଲ୍ଲା କୋର୍ଟ ସ୍ତରରେ ଏକ ପୃଥକ ଅଭିଯୋଗ ସମାଧାନ କମିଟି ଗଠନ କରାଯିବା ଉଚିତ। ଯେଉଁଠାରେ ଆଇନଜୀବୀମାନେ ମାମଲା ଦାଖଲ କରିପାରିବେ।
“ଆସୋସିଏସନ୍ ପୁଣି ଥରେ ଦୋହରାଇଛି ଯେ କୌଣସି ଆଇନଜୀବୀ ଧର୍ମଘଟ କରିପାରିବେ ନାହିଁ। ଓକିଲମାନେ ଧର୍ମଘଟ କିମ୍ବା ସେମାନଙ୍କ କାର୍ଯ୍ୟରୁ ନିବୃତ୍ତ ହେବା ନ୍ୟାୟିକ କାର୍ଯ୍ୟରେ ବାଧା ସୃଷ୍ଟି କରିଥାଏ।”
