ପ୍ରଜ୍ଞା ପଟ୍ଟନାୟକ

21/04/2023 at 1:40 PM

ଭୁବନେଶ୍ୱର: ପୁରୀ ପରେ ବରଗଡ଼ରେ ଲୁଚିଛି କୁଖ୍ୟାତ ଅପରାଧୀ ଗୁଡ୍ଡୁ ମୁସଲିମ! ସୂଚନା ଅନୁଯାୟୀ ପୁରୀରେ ଲୁଚିଥିଲା ୟୁପିର ଦୁର୍ଦ୍ଦାନ୍ତ ଅପରାଧୀ ଗୁଡ୍ଡୁ ମୁସଲିମ । ଗୁଡ୍ଡୁର ଶେଷ ଲୋକେସନ ପୁରୀରୁ ଟ୍ରାକ୍‌ କରାଯାଇଥିଲା। ଏ ନେଇ ଏବେ ଜୋରସୋରରେ ଚାଲିଛି ତନାଘନା । ଏ ନେଇ ଉତ୍ତରାଞ୍ଚଳ ଆଇଜି ଦୀପକ କୁମାର ସୂଚନା ଦେଇଛନ୍ତି ।

ଗତକାଲି ୟୁପି ଏସଟିଏଫର ଟିମ ବରଗଡ଼ ଆସିଥିଲା । ରାଜା ଖାଁ ନାମକ ଜଣେ ବ୍ୟକ୍ତିକୁ ପଚରାଉଚରା ହୋଇଛି । ଜଣାପଡ଼ିଛି ଯେ ରାଜାର ଘର ଛତିଶଗଡ଼ ମହାସମୁନ୍ଦ ଜିଲ୍ଲାରେ । ସୋହେଲାରେ ତାର ବ୍ୟବସାୟ ରହିଛି । ପଚରାଉଚରା କରାଯିବା ପରେ ତାକୁ ଅଟକ ରଖାଯାଇଛି । ଗୁଡୁ ମୁସଲିମ ସହିତ ତାର ଲିଙ୍କ ଥିବା ଜଣାପଡିଛି ।ଖୁବଶୀଘ୍ର ପୁରୀରେ ମଧ୍ୟ ଉତ୍ତରପ୍ରଦେଶ ଏସ୍‌ଟିଏଫ୍‌ ଖୋଳତାଡ଼ ଆରମ୍ଭ କରିପାରେ ବୋଲି କହିଛନ୍ତି ଆଇଜି ।