ଓଡ଼ିଶା ଡଟ୍ ନ୍ୟୁଜ୍1/08/2024 at 11:37 AM
କୋରାପୁଟ: କୋାରପୁଟ ସଦର ଥାନା ମାଲିଙ୍ଗଯୋଡ଼ି ଗାଁରେ ଚାଞ୍ଚଲ୍ୟକର ଘଟଣା । ବନ୍ଦ ଘରୁ ଦମ୍ପତିଙ୍କ ମୃତଦେହ ଉଦ୍ଧାର । ଘର ଭିତରେ ଖଟ ଉପରେ ମହିଳାଙ୍କ ମୃତଦେହ ପଡ଼ିଥିବା ବେଳେ ଝୁଲନ୍ତା ଅବସ୍ଥାରେ ତାଙ୍କ ସ୍ବାମୀଙ୍କ ଶବ ଜବତ କରାଯାଇଛି । ମୃତକ ହେଲେ ନରେଶ ନାୟକ ଏବଂ ତାଙ୍କ ପତ୍ନୀ ଭବାନୀ ନାୟକ । ସୂଚନା ଅନୁଯାୟୀ, ଗତବର୍ଷ ଜୁଲାଇରେ ଉଭୟଙ୍କର ବିବାହ ହୋଇଥିଲା ।
ଗତକାଲି ରାତିରେ ବନ୍ଦ ଘରେ ଦମ୍ପତିଙ୍କ ମୃତଦେହ ଦେଖି ପରିବାର ଲୋକେ ପୋଲିସକୁ ଖବର ଦେଇଥିଲେ । କୋରାପୁଟ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ କରୁଛି । ତେବେ କାହିଁକି ଦମ୍ପତି ଏଭଳି ଚରମ ନିଷ୍ପତ୍ତି ନେଲେ ସେନେଇ କୌଣସି ସ୍ପଷ୍ଟ ସୂଚନା ମିଳିପାରିନି । ପରିବାର ଲୋକଙ୍କୁ ପଚରାଉଚରା କରି ପୋଲିସ ତଦନ୍ତ କରୁଥିବାବେଳେ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର କାରଣ ଜଣାପଡ଼ିବ ବୋଲି କହିଛି ।