ଗରୁଡ ଧ୍ୱଜ ଚୌଧୁରୀ

31/08/2024 at 7:08 PM

ପାରଳାଖେମୁଣ୍ଡି:୩୧/୮(ଗରୁଡ଼ ଧ୍ଵଜ ଚୌଧୁରୀ)ଗଜପତି ଜିଲ୍ଲା ଅଡବା ଥାନା ଅଧୀନରେ ଥିବା ଆଲିଗଣ୍ଡା ଓ ଭାଲିଆସାହି ର ଘଞ୍ଚ ଜଙ୍ଗଲ ମଧ୍ୟରେ ଅଚାନକ ଚଡାଉ କରି ୧୯୦୦ଲିଟର ମହୁଲ ପୋଚ ସହ ୧୪୦ ଲିଟର ଚୋରା ମହୁଲି ମଦ ଜବତ କରିଛି ଅବକାରୀ ବିଭାଗ l ଏହି ଘଟଣାରେ ଜଣେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଛି । ଗିରଫ ଅଭିଯୁକ୍ତ ହେଲେ ନୁଆସାହି ଗାଁର ଉଜ୍ବଳ ନାୟକ (୨୩) l ରାଜ୍ୟ ସରକାରଙ୍କ ଅବକାରୀ ବିଭାଗ କମିଶନର ନରସିଂହ ଭୋଳ ଙ୍କ ନିର୍ଦ୍ଦେଶ ପ୍ରକାରେ ଗଜପତି ଜିଲ୍ଲା ର ଜିଲ୍ଲାପାଳ ବିଜୟ କୁମାର ଦାସ,
ଗଜପତି ଜିଲ୍ଲା ଆରକ୍ଷୀ ଅଧିକ୍ଷକ ସ୍ଵାତୀ ଏସ କୁମାରଙ୍କ ସହ ଜିଲ୍ଲା ଅବକାରୀ ଅଧିକ୍ଷକ ପ୍ରଦୀପ କୁମାର ସାହୁ ପ୍ରତ୍ୟକ୍ଷ ତତ୍ତ୍ଵାବଧାନରେ ଚିକିଟି ବ୍ଲକ ମଦ ମୃତ୍ୟୁ ପରେ ଅଚାନକ ଚଡାଉ କରିଥିଲା ଅବକାରୀ ବିଭାଗ l ଏହି ଚଢ଼ାଉ ପରେ ୧୪୦ ଲିଟର ମହୁଲି ମଦ ଓ ୧୯୦୦ ଲିଟର ପୋଚ ନଷ୍ଟ କରିଛନ୍ତି l ଅଭିଯୁକ୍ତ କୁ ଗିରଫ କରିବା ସହ ଚୋରା ମଦ ପ୍ରସ୍ତୁତି ଉପରେ ରୋକ ଲଗାଯାଉଥିବା ଦେଖିବାକୁ ମିଳୁଛି। ଏହିପରି ବିଭାଗ ବଣ ପାହାଡ ବୁଲି ଚୋରା ମଦ ପ୍ରସ୍ତୁତି ସ୍ଥାନ ଚିହ୍ନଟ କରି ନଷ୍ଟ କରୁଛନ୍ତି । ଆଗାମୀ ଦିନରେ ଏହିପରି ଯଦି ଅବକାରୀ ବିଭାଗ ପ୍ରସ୍ତୁତ ରହି ଚୋରା ମଦ ବିକ୍ରି ବନ୍ଦ କରିବ ତେବେ ବହୁ ଜୀବନ ବଞ୍ଚି ପାରିବ ବୋଲି ଆଲୋଚନା ହେଉଛି