ଗରୁଡ ଧ୍ୱଜ ଚୌଧୁରୀ

23/11/2024 at 8:09 PM

ଗଜପତି ଜିଲ୍ଲା ପୋଲିସ, ଅବକାରୀ, ରାଜସ୍ବ ଓ ବନ ବିଭାଗର ମିଳିତ ଚଢଉ ମୋହନା ଅଞ୍ଚଳରେ ପ୍ରାୟ ଦୁଇ କୋଟି ଦଶ ଲକ୍ଷ ଟଙ୍କାର ଗଞ୍ଜାଇ ଗଛ ପୋଡି ନଷ୍ଟ କଲେ
ପାରଳାଖେମୁଣ୍ଡି:୨୩/୧୧(ଗରୁଡ଼ ଧ୍ଵଜ ଚୌଧୁରୀ)ଗଜପତି ଜିଲ୍ଲା ଆରକ୍ଷୀ ଅଧିକ୍ଷକ ଯତୀନ୍ଦ୍ର ପଣ୍ଡା ଙ୍କ ନିର୍ଦ୍ଧେଶରେ ଆରମ୍ଭ ହେଲା ଅପରେସନ ଗ୍ରୀନ କ୍ଲିନ। ଏହି ଅପରେସନ ଗଜପତି ଜିଲ୍ଲାର ମୋହନା ଥାନା ଅନ୍ତର୍ଗତ ବଡସିନ୍ଧବା ପଞ୍ଚାୟତ ର କୁଟୀମାର ଗାଁ ନିକଟରେ ଚଢ଼ାଉ କରି ପ୍ରାୟ ଦୁଇ କୋଟି ଟଙ୍କା ର ଗଞ୍ଜାଇ ଗଛ ଚାଷ ନଷ୍ଟ କରିଛି ଜିଲ୍ଲା ପୋଲିସ ସହାୟତାରେ ଅବକାରି ବିଭାଗ। ମୋହନା ଥାନା ଅଧିକାରୀ ବସନ୍ତ ସେଠୀ କୌଣସି ପ୍ରକାରେ ତାଙ୍କ ଥାନା ଇଲାକାରେ ଏତେ ପରିମାଣରେ ଗଞ୍ଜାଇ ଗଛ ଚାଷ କରାଯାଇଥିବା କୌଣସି ସୂତ୍ରରୁ ଖବର
ପାଇ ଏହି ଚଢ଼ାଉ କୁତ୍ତାମରା ଗ୍ରାମରୁ ଆରମ୍ଭ କରିଥିଲେ। ପ୍ରାୟ ୪୨ ଏକର ଜଙ୍ଗଲ ଜମିରେ ଏହି ଗଞ୍ଜାଇ ଚାଷ ବେଆଇନ ହୋଇଥିବା ବେଳେ ଏହି ଗଞ୍ଜେଇ ଗଛ ଗୁଡିକୁ କାଟି ଓ ପୋଡି ନଷ୍ଟ କରାଯାଇଥିଲା। ପୋଡ଼ି ନଷ୍ଟ କରାଯାଇ ଥିବା ଗଞ୍ଜେଇ ଗଛର ମୂଲ୍ୟ ପ୍ରାୟ ଦୁଇ କୋଟି ଦଶ ଲକ୍ଷ ଟଙ୍କା ହେବ ବୋଲି ଥାନା ଅଧିକାରୀ କହିଛନ୍ତି। ଏହି ଚଢ଼ାଉ ବେଳେ ସ୍ଥାନୀୟ ତହସିଲଦାର ଜ୍ୟୋତିର୍ମୟୀ ଦାସ,ଏସଡିପିଓ ଅଶ୍ୱିନୀ ନାୟକ, ମୋହନା ଥାନା ଅଧିକାରୀ ବସନ୍ତ ସେଠୀ,ଚନ୍ଦ୍ରଗିରି ଥାନା ଅଧିକାରୀ ପୁରୁଷୋତ୍ତମ ପାଇକ, ମୋହନା ଅବକାରୀ ବିଭାଗ କର୍ମଚାରୀ, ବନ ଓ ରାଜସ୍ବ ବିଭାଗୀୟ ଅଧିକାରୀ ମାନେ ସାମିଲ ହୋଇଥିଲେ।