ଓଡ଼ିଶା ଡଟ୍ ନ୍ୟୁଜ୍

30/11/2024 at 12:23 PM

ସୁନ୍ଦରଗଡ଼: କୌଣସି ଗାଡ଼ି ଧକ୍କାରେ ଚାଲିଗଲା ଗୋରୁ ବ୍ୟବସାୟୀଙ୍କ ଜୀବନ । ଏହାସହ ଦୁଇଟି ବଳଦଙ୍କ ମଧ୍ୟ ମୃତ୍ୟୁ ଘଟିଛି । ସୁନ୍ଦରଗଡ଼ ଜିଲ୍ଲା ବଣାଇ ଥାନା ଅନ୍ତର୍ଗତ ଧରଣୀଧର ପାଲି ନିକଟରେ ଏହି ଦୁର୍ଘଟଣା ଘଟିଛି । ମୃତକ ହେଲେ କନ୍ତସରା ଗାଁର ସଂକାଳି ପାତ୍ର । 

ଆଜି ସକାଳୁ ସଂକାଳି ଦୁଇଟି ବଳଦ ନେଇ ଗମଲେଇ ହାଟକୁ ଯାଉଥିଲେ । ଧରପାଲି ନିକଟରେ କୌଣସି ଗାଡ଼ି ତାଙ୍କୁ ଓ ତାଙ୍କ ବଳଦଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ସମସ୍ତଙ୍କ ମୃତ୍ୟୁ ଖଟିଥିଲା । ଦୁର୍ଘଟଣା ପରେ ଗାଡି ସହ ଡ୍ରାଇଭର ଫେରାର ହୋଇଯାଇଛି । ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା । ମୃତକଙ୍କ ପରିବାରକୁ କ୍ଷତିପୂରଣ ଦେବାକୁ ଦାବି ହୋଇଛି ।

ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ଏହାସହ ପୋଲିସ ଦୁର୍ଘଟଣାର ତଦନ୍ତ ଆରମ୍ଭ କରିଛି ।