ପାରଳାଖେମୁଣ୍ଡି ସ୍ଥିତ ଗଜପତି ଷ୍ଟାଡିୟମ ଠାରେ ଗଜପତି ଉତ୍ସବ ୨୦୨୪ କ୍ଷଣି ଓ ଇସ୍ପାତ ମନ୍ତ୍ରୀ ଶ୍ରୀ ବିଭୁତି ଜେନାଙ୍କ ଦ୍ବାରା ଉଦଘାଟିତ
ପାରଳାଖେମୁଣ୍ଡି:୧୯/୧୨(ଗରୁଡ଼ ଧ୍ୱଜ ଚୌଧୁରୀ) ଗଜପତି ଜିଲ୍ଲାର ସଦର ମହକୁମା ପାରଳାଖେମୁଣ୍ଡି ସ୍ଥିତ ଗଜପତି ଷ୍ଟାଡିୟମ ଠାରେ ୫ ଦିନ ଧରି ଆରମ୍ଭ ହୋଇଥିବା ଗଜପତି ଉତ୍ସବ ୨୦୨୪ ଉଦଘାଟିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବେ ବାଣିଜ୍ୟ , ପରିବହନ, ଖଣି ଓ ଇସ୍ପାତ ପରିବାର ମନ୍ତ୍ରୀ ବିଭୂତି ଭୂଷଣ ଜେନା ମୂଖ୍ୟ ଅତିଥି ଭାବେ ଯୋଗଦେଇ ଗଜପତି ଉତ୍ସବକୁ ଶୁଭ ଉଦଘାଟନ କରିଥିଲେ। ୫ ଦିନ ଧରି ଗଜପତି ଉତ୍ସବ ସହ ପଲ୍ଲୀଶ୍ରୀ ମେଳାକୁ ମଧ୍ୟ ଉଦଘାଟନକ କରିଥଲେ। ଗଜପତି
ଉତ୍ସବରେ ମୂଖ୍ୟ ଅତିଥି ମନ୍ତ୍ରୀ ଶ୍ରୀ ଜେନା ଉଦବୋଧନ ଦେଇ ସ୍ବର୍ଗତ ପାରଳା ମହାରାଜା ଶ୍ରୀ କୃଷ୍ଣଚନ୍ଦ୍ର ଗଜପତି ଙ୍କୁ ସ୍ମରଣ କରି ଗଜପତି ଜିଲ୍ଲା ସମେତ ଓଡ଼ିଶାରେ ଶିକ୍ଷା, ସାହିତ୍ୟ,କଳା ସଂସ୍କୃତି ବିକାଶ ସହ ବିଶେଷ କରି ଆନ୍ଧ୍ର ଓଡିଶା ଉପାନ୍ତ ରେ ଥିବା ଗଜପତି ଜିଲ୍ଲାକୁ କଳା, ସଂସ୍କୃତି, ସାହିତ୍ୟ, ସଙ୍ଗୀତ, ଶିକ୍ଷା, ସ୍ଵାସ୍ଥ୍ୟ ଓ ଜଳ ସେଚନ ଦିଗରେ ତାଙ୍କର ଅବଦାନ ଅତୁଳନୀୟ ବୋଲି କହିଥିଲେ l ସେ ଗଜପତି ଜିଲ୍ଳାର ବିକାଶ କିପରି ହେବ ସେ ବ୍ୟକ୍ତିଗତ ଭାବେ ଦୃଷ୍ଟି ଦେବେ ବୋଲି କହିଥିଲେ l ପାରଳାଖେମୁଣ୍ଡି ସହର ବାହାର ଦେଈ ଏକ ରିଙ୍ଗ ରୋଡର ଆବଶ୍ୟକତା ରହିଛି ତାର କାର୍ଯ୍ୟ ଖୁବ ଶୀଘ୍ର ଆରମ୍ଭ କରାଯିବ ବୋଲି ବୋଲି ପ୍ରତିଶ୍ରୁତି ଦେଇଥିଲେ l ଗଜପତି ଜିଲ୍ଲାପାଳ ତଥା ଜିଲ୍ଲା ସାଂସ୍କୃତିକ ପରିଷଦର ଅଧ୍ୟକ୍ଷ ବିଜୟ କୁମାର ଦାସ ସ୍ବାଗତ ଭାଷଣ ଦେଇଥିଲେ l ଅନ୍ୟ ମାନଙ୍କ ମଧ୍ୟରେ ସମ୍ମାନିତ ଅତିଥି ଭାବେ ମୋହନା ବିଧାୟକ ଦାଶରଥି ଗମାଙ୍ଗ,
ପାରଳାଖେମୁଣ୍ଡି ବିଧାୟକ ଇଁ. ରୁପେଶ ପାଣିଗ୍ରାହୀ, ଜିଲ୍ଲା ପରିଷଦ ଅଧ୍ୟକ୍ଷ ଗବାରା ତିରୁପତି ରାଓ, ଜିଲ୍ଲା ଆରକ୍ଷୀ ଅଧିକ୍ଷକ ଜ୍ୟୋତିନ୍ଦ୍ର କୁମାର ପଣ୍ଡା,ପାରଳାଖେମୁଣ୍ଡି ପୌରପରିଷଦ ଅଧ୍ୟକ୍ଷା ନିର୍ମଳା ସେଠୀ, ପ୍ରମୁଖ ଉଦବୋଧନ ଦେଇ ଗଜପତି ଉତ୍ସବ ଜିଲ୍ଲାରେ ସବୁ ବର୍ଷ ଭଳି ଏବର୍ଷ ମଧ୍ୟ ଧୁମ ଧାମରେ ପାଳନ ହେଉଥିବାରୁ ସନ୍ତୋଷ ପ୍ରକାଶ କରିଥିଲେ l ଗଜପତି ଉତ୍ସବ ହେବା ଦ୍ବାରା ଗଜପତି ଜିଲ୍ଲାରେ ଲୁକ୍କାୟିତ ଭାବେ ରହିଯାଇଥିବା ଯୁବ କଳାକାର, କ୍ରୀଡାବିତ୍ ସଙ୍ଗୀତ କାର ମାନଙ୍କୁ ପଦାକୁ ଆଣିବା ହେଉଛି ଗଜପତି ଉତ୍ସବର ମୂଳ ଲକ୍ଷ ବୋଲି କହିଥିଲେ l ପରେ ସ୍ମରଣିକା “ଗଜପତି” କୁ ମୂଖ୍ୟ ଅତିଥି ମନ୍ତ୍ରୀ ଶ୍ରୀ ଜେନା ଉନ୍ମୋଚନ କରିଥଲେ l ଗଜପତି ମୁଖ୍ୟ ଉନ୍ନୟନ ଅଧିକାରୀ ତଥା ଜିଲ୍ଲା ପରିଷଦର ନିର୍ବାହୀ ଅଧିକାରୀ ଡ. ଗୁଣନିଧି ନାୟକ ଧନ୍ୟବାଦ୍ ଅର୍ପଣ କରିଥଲେ l ଗଜପତି ଜିଲ୍ଲା ଉତ୍ସବରେ ମୋଟ ୨୦୮ଟି ଷ୍ଟଲ୍ ରହିଛି l
