ସୌମିତ୍ରି ମେହେର23/12/2024 at 7:57 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ବଡ଼ଖମାର ମଠ ଠାରୁ ଡୁଙ୍ଗୁରି ଗ୍ରାମକୁ ସଂଯୋଗ କରୁଥିବା ରାସ୍ତା ମଝିରେ ବିଦ୍ୟୁତ ଖୁଣ୍ଟ ରହିଛି । ଉକ୍ତ ରାସ୍ତାଟି ପ୍ରଶସ୍ତିକରଣ କାମ ସରିଥିବା ବେଳେ ମଝିରେ ଥିବା ବିଦ୍ୟୁତ ଖୁଣ୍ଟ ନହଟାଇ ପିଚୁ କାମ ହୋଇଛି । ଏଭଳି ହୋଇଛି ଯେ , ଯେକୌଣସି ସମୟରେ ବାଇକ ଆରୋହୀ ମାନେ ଏହି ବିଦ୍ୟୁତ ଖୁଣ୍ଟ ରେ ପିଟି ହୋଇ ଦୁର୍ଘଟଣା ସମ୍ମୁଖୀନ ହେବାର ଆଶଙ୍କା ରହିଛି । ଜିଲ୍ଲା ଗ୍ରାମ୍ୟ ଉନ୍ନୟନ ନିର୍ମାଣ ବିଭାଗ ପକ୍ଷରୁ ଏହି ରାସ୍ତା ନିର୍ମାଣ କାର୍ଯ୍ୟ ହୋଇଛି । ତୁରନ୍ତ ଏହି ରାସ୍ତା ଉପରୁ ବିଦ୍ୟୁତ ଖୁଣ୍ଟ ହଟାଇବା ପାଇଁ ଜନସାଧାରଣ ରେ ଦାବି ହେଉଛି।