ପ୍ରଜ୍ଞା ପଟ୍ଟନାୟକ

8/05/2023 at 1:57 PM

ବେଙ୍ଗାଲୁରୁ: ୧୦ରେ କର୍ଣ୍ଣାଟକ ନିର୍ବାଚନ। ଆଜି ନିର୍ବାଚନ ପ୍ରଚାରର ଶେଷ ଦିନ। କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ପ୍ରଚାର ଚାଲିଥିବା ବେଳେ ଏହାକୁ ନେଇ ଏବେ ଅନେକ ଚର୍ଚ୍ଚା ଚାଲିଛି। ଏହି ସମୟରେ ଏନସିପି ଅଧ୍ୟକ୍ଷ ଶରଦ ପାୱାର ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରି ଚିଠି ଲେଖିଛନ୍ତି।

ଏଥିରେ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରାଯାଇଛି। ସେ କହିଛନ୍ତି ଯେ ମୁଁ ଆଶ୍ଚର୍ଯ୍ୟ ହେଇଛି ଯେ କର୍ଣ୍ଣାଟକରେ ନିର୍ବାଚନ ପ୍ରଚାର ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ‘ଧାର୍ମିକ’ ସ୍ଲୋଗାନ ଦେଇଛନ୍ତି, ଯେଉଁଠି ମେ ମାସରେ ଭୋଟ୍ ଗ୍ରହଣ କରାଯିବ।

ଏକ ସାକ୍ଷାତକାରରେ ପାୱାର କହିଛନ୍ତି, କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ପ୍ରଚାର ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମୋତେ ଆଶ୍ଚର୍ଯ୍ୟ କରିଛନ୍ତି। ଧାର୍ମିକ ନାରା ଦେଇଛନ୍ତି ମୋଦୀ। ଆମେ ଧର୍ମନିରପେକ୍ଷତାର ଧାରଣାକୁ ଗ୍ରହଣ କରିଛୁ। ଯେତେବେଳେ ଆପଣ ନିର୍ବାଚନରେ ​​କୌଣସି ଧର୍ମ କିମ୍ବା ଧାର୍ମିକ ପ୍ରସଙ୍ଗ ଉଠାନ୍ତି, ଏହା ଏକ ଭିନ୍ନ ପ୍ରକାରର ପରିବେଶ ସୃଷ୍ଟି କରିଥାଏ। ଏହା ଶୁଭଙ୍କର ନୁହେଁ।

କେବଳ ଏତିକି ନୁହେଁ କର୍ଣ୍ଣାଟକ ବିଧାନସଭା ନିର୍ବାଚନର ଫଳାଫଳକୁ ନେଇ ବଡ ଭବିଷ୍ୟବାଣୀ କରିଛନ୍ତି ଶରଦ ପାୱାର । ସେ କହିଛନ୍ତି, କର୍ଣ୍ଣାଟକରେ କଂଗ୍ରେସ ସରକାର ଆସିବ । ଏବେ ବିଜେପି ୫-୬ ରାଜ୍ୟରେ ସରକାରରେ ରହିଛି । କର୍ଣ୍ଣାଟକରେ କଂଗ୍ରେସ କ୍ଷମତା ବଜାୟ ରଖିବ। ଅନ୍ୟ ରାଜ୍ୟ ଗୁଡିକରେ ଅଣ ବିଜେପି ସରକାର ରହିଛି । କିନ୍ତୁ କର୍ଣ୍ଣାଟକରେ କଂଗ୍ରେସ ସରକାର ଗଢିବ ବୋଲି କହିଛନ୍ତି ପାୱାର।