ଓଡ଼ିଶା ଡଟ୍ ନ୍ୟୁଜ୍2/05/2025 at 12:41 PM
ଓଡ଼ିଶା ଡଟ୍ ନ୍ୟୁଜ୍: ଦାବୀ ଗାଡ଼ିରେ ନୁହେଁ, ଅଟୋରେ ହେଉଥିଲା ଗଞ୍ଜେଇ ଚାଲାଣ । ଟେର ପାଇଗଲା ପୋଲିସ ଅଧା ବାଟରେ ମାଡ଼ି ବସିଲା । ଯାଞ୍ଚ ବେଳେ ଅଟୋରୁ ମିଳିଲା ବିପୁଳ ପରିମାଣ ଗଞ୍ଜେଇ । ଭଦ୍ରକ ଟାଉନ ଥାନା ପୋଲିସ ଗତକାଲି ବିଳମ୍ବିତ ରାତିରେ ଏହି ସବୁ ଗଞ୍ଜେଇ ଜବତ କରିଛି ।
ରାତିରେ ଏକ ଅଟୋରେ ଜଣେ ଯୁବକ ଚୋରା ଗଞ୍ଜେଇ ନେଇ ରେଳ ଷ୍ଟେସନକୁ ଯାଉଥିଲେ । କୌଣସି ସୁତ୍ରରୁ ପୋଲିସ ଖବର ପାଇ ଭଦ୍ରକ ଅତିରିକ୍ତ ଏସପି ସମ୍ବିତ ମାଝୀଙ୍କ ନେତୃତ୍ୱରେ ଟାଉନ ପୋଲିସର ମିଳିତ ସହଯୋଗରେ ଚଢ଼ଉ କରାଯାଇଥିଲା । ବାଇପାସ ଛକରେ ଅଟୋକୁ ଅଟକ ରଖି ଯାଞ୍ଚ କରିବା ବେଳେ ସେଥିରୁ ବିପୁଳ ପରିମାଣର ଗଞ୍ଜେଇ ମିଳିଥିଲା ।
ଅଟୋ ଓ ଗଞ୍ଜେଇ ଜବତ କରିବା ସହ ଗଞ୍ଜେଇ ମାଫିଆକୁ ଗିରଫ କରି ତଦନ୍ତ ଆରମ୍ଭ କରିଛି ପୋଲିସ । ତେବେ ମାଫିଆ ଜଣକ ଏତେ ପରିମାଣର ଗଞ୍ଜେଇ କେଉଁଠୁ ଆଣୁଥିଲା ଓ କାହାକୁ ବିକ୍ରି କରିବାକୁ ନେଉଥିଲା ସେନେଇ ପୋଲିସ ତଦନ୍ତ ଜାରି ରହିଛି ।