ଗରୁଡ ଧ୍ୱଜ ଚୌଧୁରୀ7/06/2025 at 6:33 PM
ପାରଳାଖେମୁଣ୍ଡି:୭/୬(ଗରୁଡ ଧ୍ଵଜ ଚୌଧୁରୀ) ଗଜପତି ଜିଲ୍ଲାର ମୋହନା ସ୍ଥିତ ମିଶନ ଶକ୍ତି ର ମହିଳା ମାନଙ୍କ ସହ ଦକ୍ଷିଣ ଓଡିଶା ରାଜସ୍ବ ବିଭାଗୀୟ କମିଶନର କାର୍ଯ୍ୟାଳୟ ର ଏକ ୩ ଜଣିଆ ଟିମ୍ ଆଲୋଚନା କରି ଫେରିଥିବା ଜଣା ପଡ଼ିଛି | ମହିଳାମାନେ କିଭଳି ସ୍ୱାବଲମ୍ବୀ ହୋଇ ପାରୁଛନ୍ତି ତାହା ପଚାରି ବୁଝିଥିଲେ। ମୋହନା ରେ ଥିବା ତିନୋଟି ସ୍ୱୟଂ ସହାୟକ ମହିଳା ଗୋଷ୍ଠି ଙ୍କ ସହ ଆଲୋଚନା କରିଥିଲେ। ଯେପରିକି ସରକାର ଙ୍କ ସମସ୍ତ ପ୍ରକାର ସୁବିଧା ମିଶନ ଶକ୍ତି ମହିଳା ଙ୍କ ନିକଟରେ ପହଞ୍ଚିବ ତାହା ଅଧିକାରୀ ଙ୍କ ସହ ଆଲୋଚନା କରିଥିଲେ।ପରେ ନିବେଦିତା ସ୍ୱୟଂ ସହାୟକ ଗୋଷ୍ଠି ଫିନାଇଲ, କମଫରଟ, ଟଇଲେଟ କ୍ଲିନର, ବିଭିର୍ନ ପ୍ରକାର ସାବୁନ ପ୍ରସ୍ତୁତ କରୁଛନ୍ତି ତାହା ପଚାରି ବୁଝିବା ସହ କିପରି ବଜାର ରେ ବିକ୍ରୀ କରିହେବ ତାହା ଆଲୋଚନା କରିଥିଲେ। ସ୍ୱୟଂ ସହାୟକ ମହିଳାମାନଙ୍କୁ ଉତ୍ସାହିତ କରିବାପାଇଁ ରାଜସ୍ବ କାର୍ଯ୍ୟାଳୟ ର କର୍ମଚାରୀମାନେ ସ୍ୱୟଂ ସହାୟକ ବିକ୍ରି କରୁଥିବା କିଛି ସାମଗ୍ରୀ କିଣି ନେଇଥିଲେ। ଏହି ଗସ୍ତ ସମୟରେ ଅଫିସର ବି.ବଳରାମ ରାଓ, କର୍ମଚାରୀ ଶଶୀରେଖା ବେହେରା ଓ ସ୍ବେତାମ୍ବରି ସମନ୍ତରାଏ ଙ୍କ ସମେତ ମିଶନ ଶକ୍ତି ସଂଯୋଜକ ଶିବାନନ୍ଦ ସିଂ ଙ୍କ ସହ ଜୀବିକା ମିଶନ ର କର୍ମଚାରୀ ମାନେ ଯୋଗ ଦେଇଥିଲେ।