ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ21/05/2023 at 1:22 PM
ନୂଆଦିଲ୍ଲୀ: ବୀର ସଭରକରଙ୍କ ଜୟନ୍ତୀଙ୍କରେ ଦେଶକୁ ନୂତନ ସଂସଦ ଭବନ ମିଳିବାକୁ ଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭବନର ଉଦଘାଟନ କରିବେ। ଲୋକସଭାର ବାଚସ୍ପତି ଓମ ବିର୍ଲା ନିକଟରେ ପ୍ରଧାନମନ୍ତ୍ରୀଙ୍କୁ ଭେଟିବା ପରେ ଏହାର ଘୋଷଣା କରିଥିଲେ। ଏବେ କଂଗ୍ରେସ ନେତା ରାହୁଲ ଗାନ୍ଧୀ ସଂସଦ ଭବନର ଉଦଘାଟନ ଉପରେ ପ୍ରଶ୍ନ ଉଠାଇଛନ୍ତି। ତାଙ୍କ କହିବା କଥା ନୂତନ ସଂସଦ ଭବନର ଉଦଘାଟନ ପ୍ରଧାନମନ୍ତ୍ରୀ ନୁହେଁ ରାଷ୍ଟ୍ରପତି ଜୀଙ୍କ ଦ୍ଵାରା କରାଯିବା ଉଚିତ୍।
ଏହା ପୂର୍ବରୁ ବିରୋଧୀ ଦଳର ନେତାମାନେ ବିନାୟକ ଦାମୋଦର ସଭରକରଙ୍କ ଜୟନ୍ତୀରେ ନୂତନ ସଂସଦ ଭବନର ଉଦଘାଟନ ନିଷ୍ପତ୍ତିକୁ ନେଇ କେନ୍ଦ୍ର ସରକାରଙ୍କ ସମାଲୋଚନା କରିଥିଲେ। କଂଗ୍ରେସ ଏହାକୁ ରାଷ୍ଟ୍ର ନିର୍ମାତାଙ୍କ ପ୍ରତି ଅପମାନ ଦର୍ଶାଇଥିବା ବେଳେ ଆଉ କିଛି ବିରୋଧୀ ନେତା ପ୍ରଧାନମନ୍ତ୍ରୀ ମୋଦୀ ସଂସଦର ନୂତନ ଭବନର ଉଦଘାଟନ କାହିଁକି କରିବେ ବୋଲି ପ୍ରଶ୍ନ କରିଛନ୍ତି। ରାହୁଲ କହିଛନ୍ତି, ଏହି କାମ ରାଷ୍ଟ୍ରପତିଙ୍କ ହାତରେ କରାଯିବା ଉଚିତ୍।
नए संसद भवन का उद्घाटन राष्ट्रपति जी को ही करना चाहिए, प्रधानमंत्री को नहीं!
— Rahul Gandhi (@RahulGandhi) May 21, 2023
ଉଲ୍ଲେଖଯୋଗ୍ୟ, ରାହୁଲ ଗାନ୍ଧୀ ବର୍ତ୍ତମାନ ସଂସଦରେ କୌଣସି ସଦନର ସଦସ୍ୟ ନୁହନ୍ତି। ଗୁଜରାଟର ସୁଟର କୋର୍ଟଙ୍କ ଦ୍ଵାରା ୨ ବର୍ଷ ଜେଲ୍ ଦଣ୍ଡାଦେଶ ମିଳିବା ପରେ ତାଙ୍କର ଲୋକସଭା ସଦସ୍ୟତା ଚାଲି ଯାଇଛି। ସେ ଉପର ଅଦାଲତରେ ଏହା ବିରୋଧରେ ଆବେଦନ କରିଛନ୍ତି। ରାହୁଲଙ୍କୁ ନିଜର ସରକାରୀ ବାସଭବନ ମଧ୍ୟ ଖାଲି କରିବାକୁ ପଡ଼ିଛି। ସୂଚନାଯୋଗ୍ୟ, ପ୍ରଧାନମନ୍ତ୍ରୀ ମୋଦୀ ୨୦୨୦ ଡିସେମ୍ବର ୧୦ ତାରିଖରେ ନୂତନ ସଂସଦ ଭବନର ଶିଳାନ୍ୟାସ କରିଥିଲେ।