ସେଞ୍ଚୁରିଆନ ୟୁନିଭରସିଟି ଦ୍ବାରା ୱାର୍ଲ୍ଡ ଏଡସ୍ ଦିବସ କାର୍ଯ୍ୟକ୍ରମ ଅନୁଷ୍ଠିତ
ପାରଳାଖେମୁଣ୍ଡି:୧/୧୨(ଗରୁଡ଼ ଧ୍ଵଜ ଚୌଧୁରୀ) ସେଞ୍ଚୁରିଆନ ୟୁନଭରସିିଟି ର ସ୍କୁଲ୍ ଅଫ୍ ନର୍ସିଂର ଏନ.ଏସ.ଏସ (ଜାତୀୟ ସେବା ଯୋଜନା) ଏବଂ YRC (ଯୁବ ରେଡ କ୍ରସ୍) ୟୁନିଟ୍ ଗୁଡିକ ଏକ ସଚେତନତା କାର୍ଯ୍ୟକ୍ରମ ସହିତ ୨୦୨୫ ମସିହା ୱାର୍ଲ୍ଡ ଏଡସ୍ ଦିବସ ପାଳନ କରିଛନ୍ତି ।ମୁଖ୍ୟ ଜିଲ୍ଲା ଚିକିତ୍ସା ଅଧିକାରୀ, ସ୍କୁଲ୍ ଅଫ୍ ନର୍ସିଂର ପ୍ରିନ୍ସିପାଲ୍ ଏବଂ ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତିଙ୍କ ଦ୍ୱାରା ସବୁଜ ପତାକା ଉଡ଼ାଇବା ସହ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା ।ସଚେତନତା ଶୋଭାଯାତ୍ରା: ଏହା ପରେ ଛାତ୍ରଛାତ୍ରୀ, ସେଚ୍ଛାସେବି ସଂଗଠନ ଏବଂ ସିଡିଏମଓ କାର୍ଯ୍ୟାଳୟର କର୍ମଚାରୀଙ୍କ ସକ୍ରିୟ ଅଂଶଗ୍ରହଣରେ ଏକ ସଚେତନତା ଶୋଭାଯାତ୍ରା ଅନୁଷ୍ଠିତ ହୋଇଥିଲା ।
ପ୍ରତିଯୋଗିତା ଓ ପ୍ରଦର୍ଶନୀ: YRC ସ୍ୱେଚ୍ଛାସେବୀ ମାନେ ଜିଲ୍ଲା ମୂଖ୍ୟ ଚିକିତ୍ସାଧିକାରୀ କାର୍ଯ୍ୟାଳୟରେ ସୂଚନାପୂର୍ଣ୍ଣ ପୋଷ୍ଟର ଉପସ୍ଥାପନ କରିଥିଲେ । ସ୍କୁଲ୍ ଅଫ୍ ନର୍ସିଂରେ ଛାତ୍ରଛାତ୍ରୀଙ୍କ ସୃଜନଶୀଳତା ଏବଂ ଜ୍ଞାନକୁ ପ୍ରଦର୍ଶନ କରି ପୋଷ୍ଟର ଏବଂ ରଙ୍ଗୋଲି ପ୍ରତିଯୋଗିତା ଅନୁଷ୍ଠିତ ହୋଇଥିଲା ।ଡଃ ଅନିତା ପାତ୍ର, ରେଜିଷ୍ଟର, ଛାତ୍ରଛାତ୍ରୀଙ୍କ ପ୍ରୟାସକୁ ପ୍ରଶଂସା କରିଥିଲେ । ପ୍ରିନ୍ସିପାଲ୍ ଡ. ଏସ୍.ଏନ୍. ସନ୍ଧ୍ୟା ମାଡାମ୍ ତାଙ୍କର ଜ୍ଞାନଗର୍ଭକ ବକ୍ତବ୍ୟରେ ସମସ୍ତଙ୍କୁ ଉତ୍ସାହିତ କରିଥିଲେ । ଡ.ନିହାଲ୍ ଆର୍. ଏବଂ ଡଃ ରାଜଶ୍ରୀ ଜେନା ପ୍ରତିଯୋଗିତାର ମୂଲ୍ୟାଙ୍କନ କରିବା ସହ ମୂଲ୍ୟବାନ ମତାମତ ଦେଇଥିଲେ ।ଏହି କାର୍ଯ୍ୟକ୍ରମ ସଚେତନତା, କରୁଣା ଏବଂ ସମ୍ପ୍ରଦାୟ ସହଭାଗିତା ପ୍ରତି ସେଞ୍ଚୁରିଆନ ୟିନିଭରସିଟି ର ପ୍ରତିବଦ୍ଧତାକୁ ଗୁରୁତ୍ୱ ଦେଇଥିଲା ।
