ସୁଶୀଲ କୁମାର ବାଗ9/10/2023 at 4:10 AM
କଳାହାଣ୍ଡି,୦୮/୧୦-ବହୁଚର୍ଚ୍ଚିତ ମମିତା ମେହେର ହତ୍ୟାକାଣ୍ଡକୁ ଆଜି ପୁରିଛି ଦୁଇବର୍ଷ ! ଦୁଇ ବର୍ଷ ପୂର୍ବେ ଆଜିର ଦିନରେ ମମିତା ନିଜ ଘରୁ ବାହାରିଯାଇ ଆଉ ଫେରିନଥିଲେ ! କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ମହାଲିଙ୍ଗ ସନସାଇନ୍ ପବ୍ଲିକ ସ୍କୁଲର ଶିକ୍ଷୟିତ୍ରୀ ମମିତା ମେହେର ଆଜି ଦିନରୁ ନିଖୋଜ ହୋଇଥିବାବେଳେ ପରବର୍ତ୍ତୀ ସମୟରେ ମାଟି ତଳୁ ତାଙ୍କର ଅଧପୋଡ଼ା ଶବ ଉଦ୍ଧାର କରିଥିଲା ପୁଲିସ ! ଏଇ ମାମଲାରେ ଅଭିଯୁକ୍ତ ଗୋବିନ୍ଦ ସାହୁକୁ ଗିରଫ କରାଯାଇ କୋର୍ଟଚାଲାଣ କରାଯାଇଥିଲା ! ତେବେ ଗୋବିନ୍ଦ ସାହୁ କଣ୍ଟାବାଞ୍ଜି ଜେଲରେ ଆତ୍ମହତ୍ୟା କରିବା ପରେ ମାମଲା ଶିଥିଳ ପଡ଼ିଯାଇଥିଲା ! ତେବେ ଆଜି ମମିତା ହତ୍ୟାର ଦୁଇବର୍ଷ ପୂର୍ତ୍ତି ଓ ଠିକ ସମୟରେ ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ସହିତ ବିଜେପି ନେତ୍ରୁବ୍ରୁନ୍ଦ ମମିତାଙ୍କ ପରିବାରକୁ ଭେଟିବା ଏଇ ମାମଲାକୁ ନୂଆମୋଡ଼ ଦେଇଛି ! ଏପରିକି ମମିତାଙ୍କ ମାଆ ଝିଅର ହତ୍ୟା ଅଭିଯୁକ୍ତ ଗୋବିନ୍ଦ ସାହୁର ଆତ୍ମହତ୍ୟାକୁ ନେଇ ସନ୍ତୋଷ ବ୍ୟକ୍ତ କରୁଥିଲେ ହେଁ ଏଥିରେ କୌଣସି ବଡ଼ ଧରଣର ଷଡ଼ଯନ୍ତ୍ର ଥିବା ଅଭିଯୋଗ କରି ସିବିଆଇ ତଦନ୍ତ ଦାବି କରିଛନ୍ତି ! ରାଜ୍ୟ ସରକାର ଏ ଦିଗରେ ପଦକ୍ଷେପ ନନେଲେ ଆମେ ନେବୁ ବୋଲି କହିଛନ୍ତି ବିଜେପି ରାଜ୍ୟ ସଭାପତି ମନମୋହନ ସାମଲ ! ଯାହା ଫଳରେ ମମିତା ମେହେର ହତ୍ୟାକାଣ୍ଡ ଏବେ ଆହୁରି ରୋଚକ ପରିସ୍ଥିତି ସ୍ରୁଷ୍ଟି କରିଛି !