ସୁଶୀଲ କୁମାର ବାଗ5/12/2023 at 6:20 PM
କଳାହାଣ୍ଡି,୦୫/୧୨-ବିଜୁ ଛାତ୍ର ଜନତା ଦଳ ବଲାଙ୍ଗୀନ ଜୋନର ଉପ ସଭାପତି ଭାବେ ନିଯୁକ୍ତି ପାଇଛନ୍ତି ଛାତ୍ରନେତା ଦେବାଶିଷ ରଞ୍ଜନ ବିଶି ! ୨୦୧୭-୧୮ ବର୍ଷରେ ସେ ଲାଞ୍ଜିଗଡ଼ ବ୍ଲକର ଏକମାତ୍ର ଡିଗ୍ରୀ ମହାବିଦ୍ୟାଳୟ ବିଶ୍ବନାଥପୁରସ୍ଥିତ ମାଁ ହୀରାନୀଳା ଡିଗ୍ରୀ ମହାବିଦ୍ୟାଳୟ ଛାତ୍ର ସଂସଦର ପ୍ରଥମ ସଭାପତି ଭାବେ ନିର୍ବାଚିତ ହୋଇଥିଲେ ! ସେ ନିର୍ବାଚିତ ହେବା ପରେପରେ ମହାବିଦ୍ୟାଳୟ ଛାତ୍ରଛାତ୍ରୀଙ୍କ ସମସ୍ୟା ନିରାକରଣ ଦିଗରେ ଅଗ୍ରଣୀ ଭୂମିକା ଗ୍ରହଣ କରିଥିଲେ ! ସେହିପରି ୨୦୧୮ରୁ ୨୦୨୦ ପର୍ଯ୍ୟନ୍ତ ସେ ବିଜୁ ଛାତ୍ର ଜନତା ଦଳର ଲାଞ୍ଜିଗଡ଼ ବ୍ଲକ ସଭାପତି ଭାବେ ଦାୟିତ୍ବ ତୁଲାଇଥିଲେ ! ଏହାପରେ ପରେ ସେ ଲାଞ୍ଜିଗଡ଼ ବ୍ଲକର ବିଭିନ୍ନ ଛାତ୍ର ସମସ୍ୟାକୁ ନେଇ ନିୟମିତ ସ୍ବର ଉତ୍ତୋଳନ କରି ଆସୁଛନ୍ତି ! ବର୍ତ୍ତମାନ ତାଙ୍କୁ ଶାସକ ବିଜୁ ଜନତା ଦଳର ଛାତ୍ର ସଂଗଠନ ବିଜୁ ଛାତ୍ର ଦଳର ବଲାଙ୍ଗୀର ଜୋନର ଉପ ସଭାପତି ଦାୟିତ୍ବ ଦିଆଯାଇଛି ! ତାଙ୍କର ନୂତନ ନିଯୁକ୍ତିକୁ ନେଇ ବିଶ୍ବନାଥପୁର, ଲାଞ୍ଜିଗଡ଼ ଅଞ୍ଚଳରେ ଖୁସିର ଲହରୀ ଖେଳିଯାଇଛି ! ସେହିପରି ଲାଞ୍ଜିଗଡ଼ ବ୍ଲକର ଭୈରବ ବହିଦାରଙ୍କୁ ବିଜୁ ଛାତ୍ର ଜନତା ଦଳର ବଲାଙ୍ଗୀର ଜୋନ ସଂପାଦକ ଭାବେ ନିଯୁକ୍ତି ମିଳିଛି ! ସେହିପରି ବଲାଙ୍ଗୀର ଜୋନ୍ କମିଟିରେ ନର୍ଲାରୁ ନିମାଇଁ ଚରଣ ବେହେରା, ଲୋକେଶ ସାହୁ ( ଉପ ସଭାପତି), ତନ୍ମୟ ସାହୁ, ପ୍ରକାଶ ସାହୁ (ସଂପାଦକ), ଭବାନୀପାଟଣାରୁ ଟିକେଲାଲ ମେହେର (ସାଧାରଣ ସଂପାଦକ), ଧର୍ମଗଡ଼ରୁ ସଞ୍ଜୟ ପୁରୋହିତ (ସାଧାରଣ ସଂପାଦକ), ସଞ୍ଜୀବ ନାଏକ, ନୁରୁ କୁମାର ମଶ୍ରା (ସଂପାଦକ) ପ୍ରମୁଖଙ୍କୁ ନିଯୁକ୍ତି ଦିଆଯାଇଛି !