ସୁଶୀଲ କୁମାର ବାଗ17/12/2023 at 8:45 PM
କଳାହାଣ୍ଡି,୧୭/୧୨-ସମ୍ବଲପୁରରୁ ରାୟଗଡ଼ାକୁ ସଂଯୋଗ କରୁଥିବା ନର୍ଲାରୋଡ-ଲାଞ୍ଜିଗଡ଼ରୋଡ଼ ରେଳ ଷ୍ଟେସନ ପାଣିମୁଣ୍ଡା- ବାଙ୍କେଲ ମଝିରେ ଟ୍ରେନ ଧକ୍କାରେ ଜଣେ ଯୁବକଙ୍କ ଜୀବନ ଯାଇଛି । ମୃତ ଯୁବକ ଜଣକ ଲାଞ୍ଜିଗଡରୋଡର ବାସିନ୍ଦା ଓ ସେ ନର୍ଲାରୋଡରୁ ଚୂଡା ମିଲିଂ କରି ରେଳଧାରଣା ଦେଇ ଘରକୁ ଫେରୁଥିଲେ ବୋଲି ଜଣାପଡିଛି । ତେବେ ରେଳ ଧାରଣା ନିକଟ ଦେଇ ସେ ଯାଉଥିବାବେଳେ କୌଣସି ଅଜଣା ଟ୍ରେନ୍ ତାଙ୍କୁ ଧକ୍କା ଦେଇ ଚାଲିଯାଇଥିଲା । ଘଟଣାସ୍ଥଳରେ ତାଙ୍କର ଜୀବନ ଯାଇଥିବାବେଳେ ଟିଟିଲାଗଡ ରେଳବାଇ ପୁଲିସ ପକ୍ଷରୁ ଶବ ଉଦ୍ଧାର କରି ଆବଶ୍ୟକ କାର୍ଯ୍ୟାନୁଷ୍ଠାନ ପରେ ପରିବାରବର୍ଗଙ୍କୁ ହସ୍ତାନ୍ତର କରିଥିବା ଜଣାପଡିଛି ।