ବିଜେପି ନେତାଙ୍କ ଝିଅ ମୁସଲିମଙ୍କୁ ବିବାହ କଲେ ତାକୁ ପ୍ରେମ କୁହାଯାଏ, ବାକି କଲେ ‘ଜିହାଦ ‘: ବଘେଲ
ନୂଆଦିଲ୍ଲୀ: ବିଜେପି ଦୋହରା ମାପଦଣ୍ଡ ଆପଣାଉଥିବା ଅଭିଯୋଗ କରି ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବଘେଲ କଟାକ୍ଷ କରିଛନ୍ତି। ସେ କହିଛନ୍ତି ଯେବେ ବିଜେପି ନେତାଙ୍କ ଝିଅମାନଙ୍କ ବିବାହ ମୁସଲିମ ସହ ହେଉଛି ତାକୁ ପ୍ରେମ କୁହାଯାଉଛି । ମାତ୍ର ଅନ୍ୟ କେହି ଏମିତି କଲେ ଏହାକୁ ଜିହାଦର ଆଖ୍ୟା ଦିଆଯାଉଛି ।
ରାଜ୍ୟର ବିଳାସପୁର ସହରରେ ଖବରଦାତାଙ୍କ ସହ ଆଲୋଚନା ବେଳେ ବଘେଲ ଏହା କହିଛନ୍ତି । ବେମେତରା ଜିଲ୍ଲାର ବୀରମପୁର ଗାଁରେ ଗତ ସପ୍ତାହରେ ଘଟିଥିବା ସାଂପ୍ରଦାୟିକ ହିଂସାରେ ବିଜେପି ରାଜନୈତିକ ଫାଇଦା ଉଠାଇବାକୁ ଚେଷ୍ଟା କରୁଥିବା ବଘେଲ କହିଛନ୍ତି ।
Amid communal tension in Bemetara, @bhupeshbaghel slammed the @BJP4India on #lovejihad “When your daughters get married, it is love and when others do it, it is jihad?many top leaders of the BJP, who have their daughters married? Is that not love jihad? pic.twitter.com/KG51NdWWxR
— Anurag Dwary (@Anurag_Dwary) April 13, 2023
ଛତିଶଗଡ ମୁଖ୍ୟମନ୍ତ୍ରୀ କହିଛନ୍ତି ବିଜେପି ଲଭ୍ ଜିହାଦର କଥା କହିଥାଏ । ହେଲେ ବିଜେପିର ବରିଷ୍ଠ ନେତାଙ୍କ ଝିଅଙ୍କ ବିବାହ ମୁସଲମାନଙ୍କ ସହ ହେଉଛି । କଣ ଏହା ଲଭ ଜିହାଦ ଶ୍ରେଣୀରେ ଆସୁନି ? ଆପଣ ପ୍ରଶ୍ନ କରୁଛନ୍ତି ବିଜେପି ନେତାଙ୍କ ବଡ ଝିଅ କୁଆଡେ ଚାଲିଗଲେ । କଣ ଲଭ ଜିହାଦ ନୁହେଁ ? ସେମାନଙ୍କ ଝିଅ କଲେ ଲଭ୍ ଅନ୍ୟମାନେ ଏମିତି କଲେ ଲଭ ଜିହାଦ ।
