ଭବାନୀପାଟଣା ଜେଲରୁ ଦୁଇ କଏଦୀ ଫେରାର
କଳାହାଣ୍ଡି,୦୭/୦୪-କଳାହାଣ୍ଡି ଜିଲ୍ଲା ଭବାନୀପାଟଣାସ୍ଥିତ ଜିଲ୍ଲା ମୁଖ୍ୟ କାରାଗାରରୁ ଆଜି ସକାଳେ ଦୁଇଜଣ କଏଦୀ ଫେରାର ହୋଇଯାଇଥିବା ଖବର ମିଳିଛି। ଖବର ଅନୁଯାୟୀ, ଆଜି ସକାଳେ ଜେଲ ସାମ୍ନାରେ ଥିବା ବଗିଚାରେ କାମ କରୁଥିବାବେଳେ ଶିକନ୍ଦର ଜାଲ ଓ ନୀଳମଣି ବିଭାର ନାମକ ଦୁଇଜଣ କଏଦୀ ଜେଲର ସୁରକ୍ଷା କର୍ମୀଙ୍କୁ ଚକମା ଦେଇ ଫେରାର ହୋଇଯାଇଛନ୍ତି। ଦୁଇଜଣ ଯାକ କଏଦୀ ନାବାଳିକା ନିର୍ଯାତନା ଅର୍ଥାତ ପୋକସୋ ଆକ୍ଟରେ ଗିରଫ ହୋଇ ଜେଲରେ ଥିଲେ। ଏବେ ଫେରାର କଏଦୀଙ୍କୁ ଠାବ କରିବାକୁ ପୁଲିସ ପକ୍ଷରୁ ବିଭିନ୍ନ ସ୍ଥାନରେ ଚଢ଼ଉ ଜାରି ରହିଛି।
