ଗରୁଡ ଧ୍ୱଜ ଚୌଧୁରୀ28/10/2024 at 3:57 PM
ପାରଳାଖେମୁଣ୍ଡି:୨୮/୧୦(ଗରୁଡ଼ ଧ୍ୱଜ ଚୌଧୁରୀ) ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡି ସହରରେ ଗତକାଲି ଦିନ 1 ଘଣ୍ଟା ଠାରୁ ମଧ୍ୟ ରାତ୍ର ୧ ଘଣ୍ଟା ପର୍ଯ୍ୟନ୍ତ ବିଜୁଳି ଯୋଗାଯୋଗ ସମ୍ପୂର୍ଣ ବନ୍ଦ କରାଯାଇଥିଲା.ମଧ୍ୟ ରାତ୍ର ୧ ଘଣ୍ଟା ପରେ ବିଜୁଳି ଚାର୍ଜ କରାଯାଇଥିଲା. ହେଲେ ବାରମ୍ବାର ବାରମ୍ବାର ରାତ୍ର ୩ ଘଣ୍ଟା ପର୍ଯ୍ୟନ୍ତ ବିଜୁଳି ଯୋଗା ଯୋଗକୁ ଛିନ୍ନ କରାଯାଉଥିଲା. ବିଜୁଳି ବିଭାଗ ତରଫରୁ ମାତ୍ର ୬ ଘଣ୍ଟା ବିଜୁଳି ଯୋଗାଯୋଗ ବନ୍ଦ ରହିବ ବୋଲି ସୂଚନା ଦିଆଯାଇ ଦିନ ୧ ଘଣ୍ଟା ସମୟରେ ବିଜୁଳି କାଟି ଦିଆ ଯାଇଥିଲା. ବିଭାଗୀୟ ସୂଚନା ଅନୁଯାୟୀ ୬ ଘଣ୍ଟା ବଦଳରେ ଏପରି ୧୪ ଘଣ୍ଟା ପର୍ଯ୍ୟନ୍ତ ବିଜୁଳି ଯୋଗାଯୋଗ ଛିନ୍ନ କରିବା ନେଇ ସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି. ରାତ୍ରି ସମୟରେ ଘର ମାନଙ୍କରେ କରେଣ୍ଟ ନଥୁବାରୁ ଗ୍ରାହକମାନେ ନାହଁ ନଥୁବା ଅସୁବିଧାର ସମ୍ମୁଖୀନ ହେବାକୁ ପଡିଛି I ହସ୍ପିଟାଲରେ ରୋଗୀ ମାନେ ହଇରାଣ ହେଉଛନ୍ତି I କରେଣ୍ଟ ନଥୁବାରୁ ଆଜି ସୋମବାର ଜନସ୍ୱାସ୍ଥ୍ୟ ବିଭାଗ ପାଣି ଦେବାରେ ମଧ୍ୟ ଅସୁବିଧା ହେବାକୁ ପଡିଛି. ଟାଟା ପାୱାର ସପ୍ଲାଇ ବିଫଳତା ଯୋଗୁଁ ଗ୍ରାହକ ଅସ୍ତବ୍ୟସ୍ତ ହୋଇଛନ୍ତି.