୮ କୋଟି ଟଙ୍କାର ଗଞ୍ଜେଇ ଗଛ ନଷ୍ଟ
ମୋହନା: ଜଙ୍ଗଲ ମଝିରେ ପାହାଡ଼ ଉପରେ ଗଞ୍ଜେଇ ଚାଷ । ସୁରାକ ପାଇଲା ପୋଲିସ । ଅବକାରୀ ବିଭାଗର ସହଯୋଗରେ ମାରିଲା ରେଡ । ଚଢାଉ କରି ପ୍ରାୟ ୮ କୋଟି ଟଙ୍କାର ଗଞ୍ଜେଇ ଗଛ ନଷ୍ଟ କଲେ ପୋଲିସ ଓ ଅବକାରୀ ବିଭାଗ । ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ପେଙ୍ଗାମ ଗାଁରେ ଏହି ଗଞ୍ଜେଇ ଗଛ ନଷ୍ଟ କରାଯାଇଛି ।
ଗାଁ ନିକଟସ୍ଥ ପାହାଡ଼ ଉପରେ ବେଆଇନ ଗଞ୍ଜେଇ ଚାଷ ହୋଇଥିବା ନେଇ ପୋଲିସ କୌଣସି ସୂତ୍ରରୁ ଖବର ପାଇଥିଲା । ପରେ ପୋଲିସ ଓ ଅବକାରୀ ବିଭାଗ ଚଢ଼ାଉ କରି ପ୍ରାୟ ୪୨ ଏକର ଜମିରେ ହୋଇଥିବା ଗଞ୍ଜେଇ ଚାଷକୁ ପୋଡ଼ି ନଷ୍ଟ କରିଛନ୍ତି । ଅଡବା ଓ ଆର.ଉଦୟଗିରି ଥାନା ଅଂଚଳରେ ଗଞ୍ଜେଇ ଚାଷ ମୂଳୋତ୍ପାଟନ ପରେ ଏବେ ପୁଣି ମୋହନା ଥାନା ଅଂଚଳରେ ଆରମ୍ଭ ହୋଇଛି ଏହି ଗ୍ରୀନ କ୍ଲିନ ଅଭିଯାନ । ଅଭିଯାନ ଆଗକୁ ଚାଲୁ ରହିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି ।
