ଜିଏସ୍ଟି ଆଦାୟରେ ରେକର୍ଡ କଲା ଦେଶ; ଏପ୍ରିଲରେ ସର୍ବାଧିକ
ନୂଆଦିଲ୍ଲୀ: ଗତ ଏପ୍ରିଲ ମାସରେ ଜିଏସ୍ଟି ଆଦାୟରେ ରେକର୍ଡ କରିଛି ଦେଶ। ଏପ୍ରିଲରେ ଜିଏସଟି ଆଦାୟ ବାର୍ଷିକ ୧୨ ପ୍ରତିଶତ ବୃଦ୍ଧି ପାଇଥିବା ଜଣାପଡ଼ିଛି। ଗତ ମାସରେ ଜିଏସ୍ଟି ଆଦାୟ ପ୍ରାୟ ୧ ଲକ୍ଷ ୮୭ ହଜାର କୋଟିରେ ପହଞ୍ଚିଛି ।
ଗତ ବର୍ଷ ଏପ୍ରିଲ ମାସରେ ଜିଏସଟି ଆଦାୟ ୧ ଲକ୍ଷ ୬୮ ହଜାର କୋଟି ରହିଥିଲା । ୨୦୨୩ ଏପ୍ରିଲରେ ଏହି ସଂଗ୍ରହ ପରିମାଣ ୧୯ ହଜାର ୪୯୫ କୋଟି ଟଙ୍କା ଅଧିକ ରହିଛି ।
ସୂଚନା ଅନୁଯାୟୀ ପ୍ରଥମ ଥର ପାଇଁ ମୋଟ୍ ଜିଏସଟି ସଂଗ୍ରହ ୧ ଲକ୍ଷ ୭୫ ହଜାର କୋଟି ଟଙ୍କା ଟପିଛି। ୨୦୨୩ ଏପ୍ରିଲ ୨୦ ତାରିଖରେ ସର୍ବାଧିକ ୬୮ ହଜାର ୨୨୮ କୋଟି ଟଙ୍କାର ଜିଏସଟି ଆଦାୟ ହୋଇଥିବା ଜଣାପଡ଼ିଛି।
