ଓଡ଼ିଶା ଡଟ୍ ନ୍ୟୁଜ୍

24/12/2024 at 12:32 PM

ସୁନ୍ଦରଗଡ଼: ମାଆର ଅସାବଧାନତାରୁ ଚାଲିଗଲା ଦୁଇବର୍ଷ ଶିଶୁକନ୍ୟାର ଜୀବନ । ବାଇକରେ ଯାଉଥିବା ବେଳେ ମାଆ କୋଳରୁ ଶିଶୁକନ୍ୟା ଖସି ପଡ଼ିଥିବା ବେଳେ ଏକ ଟ୍ରକ ତା’ ଉପରେ ମାଡ଼ି ଯାଇଥିଲା । ଫଳରେ ଘଟଣା ସ୍ଥଳରେ ହିଁ ଶିଶୁକନ୍ୟାର ମୃତ୍ୟୁ ଘଟିଛି । ଏମିତି ଘଟଣା ସୁନ୍ଦରଗଡ଼ ଜିଲ୍ଲା ବୀରମିତ୍ରପୁର ଥାନା ଅନ୍ତର୍ଗତ ଲାହାକୋଠି ନିକଟସ୍ଥ ଲାଲଜିରାମ ପେଟ୍ରୋଲ୍ ପମ୍ପ ସମ୍ମୁଖ ୧୪୩ ନମ୍ବର ଜାତୀୟ ରାଜପଥରରେ ଘଟିଛି ।

ଖବର ଅନୁସାରେ, ଅଭିଷେକ ମାଝୀ, ପତ୍ନୀ ମନୀଷା ଓ ନିଜର ଛୋଟ ଝିଅ ସହ କୌଣସି କାମାରେ ବେଦବ୍ୟାସ ଯାଇଥିଲେ । ଆଜି ସକାଳେ ବାଇକ୍ ଯୋଗେ ସମସ୍ତେ ନିଜ ଘର ଝାରଖଣ୍ଡ କେରିଆକୁ ଫେରୁଥିଲେ । ଏହି ସମୟରେ ଲାଲଜିରାମ ପେଟ୍ରୋଲ୍ ପମ୍ପ ସମ୍ମୁଖରେ ଛୋଟ ଛୁଆଟି ମାଆ କୋଳରୁ ରାସ୍ତା ଉପରକୁ ଖସି ପଡ଼ିଥିଲା । ଏହି ସମୟରେ ବିପରୀତ ଦିଗରୁ ଆସୁଥିବା ଟ୍ରକଟି ଶିଶୁକନ୍ୟା ଉପରେ ମାଡ଼ି ଯାଇଥିଲା ।

ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି । ସ୍ଥାନୀୟ ଲୋକେ ବିକ୍ଷୋଭ ପ୍ରଦର୍ଶନ କରିଛନ୍ତି । ଫଳରେ ରାସ୍ତରେ ଉଭୟ ପାର୍ଶ୍ୱରେ ଗାଡ଼ି ମଟର ଅଟକି ରହିଛି । ପୋଲିସ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରିଛି ।