ଓଡ଼ିଶା ଡଟ୍ ନ୍ୟୁଜ୍

25/12/2024 at 1:50 PM

କୋରାପୁଟ: ଭାଇସହ ଖେଳୁଥିବା ଏକ ଶିଶୁକନ୍ୟାକୁ ଝୁଣି ମାରିଦେଲେ ବୁଲା କୁକୁର । ଘଟଣା ଘଟିଛି କୋରାପୁଟ ଜିଲ୍ଲା ବୋରିଗୁମ୍ମା ବ୍ଲକ୍ ଫୁଫୁଗାଁରେ । ମୃତ ଶିଶୁକନ୍ୟାଙ୍କ ବୟସ ୬ ବର୍ଷ ବୋଲି ଜଣାପଡିଛି ।

ସୂଚନାଯୋଗ୍ୟ, ୬ ବର୍ଷୀୟା ଚାନ୍ଦିନୀ ହରିଜନ ଫୁଫୁଗାଁରେ ଅଜା ଘରେ ରହି ପାଠ ପଢ଼ୁଥିଲା । ଗତକାଲି ଦିନବେଳା ଘର ବାହାରେ ଥିବା ଏକ ଜମିରେ ଚାନ୍ଦିନୀ ଭାଇ ସହ ଖେଳୁଥିଲେ । ଏହି ସମୟରେ ୫ଟି ବୁଲଶ କୁକୁର ଉଭୟ ଭାଭଉଣୀଙ୍କୁ ଆକ୍ରମଣ କରିଥିଲେ । ଚାନ୍ଦିନୀଙ୍କ ଭାଇ ଭୟଭୀତ ହୋଇ ଦୌଡ଼ି ପଳାଇଥିଲେ । ହେଲେ ସେ ଯାଇ ନପାରି କୁକୁରଙ୍କ ହାବୁଡ଼ରେ ପଡ଼ି ଯାଇଥିଲେ ।

ଖବର ପାଇ ଘର ଲୋକେ ପହଞ୍ଚିବା ବେଳେ କୁକୁର ପଲ ଝିଅଟିକୁ ଝୁଣି ଲହୁଲୁହାଣ କରି ଦେଇଥିଲେ । ଲୋକମାନେ କୁକୁରଙ୍କୁ ଘଉଡ଼ାଇ ଝିଅକୁ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ କୁମୁଲିପୁଟ ମେଡିକାଲକୁ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।