ଏନସିପି ରାଷ୍ଟ୍ରୀୟ ମହାସଚିବ ପଦରୁ ଇସ୍ତଫା ଦେଲେ ଜିତେନ୍ଦ୍ର ଅହ୍ବାଦ
ନୂଆଦିଲ୍ଲୀ: ଗତକାଲି ଏନସିପି ଅଧ୍ୟକ୍ଷ ଶରଦ ପାୱାର ତାଙ୍କ ପଦର ଓହରି ଯିବା ପରେ ସରଗରମ ହୋଇଛି ରାଜନୀତି। ଏହାପରେ ଆଜି ଏନ୍ସିପି ମହାସଚିବ ଜିତେନ୍ଦ୍ର ଅହ୍ବାଦ ଦ ଜାତୀୟ ସାଧାରଣ ସମ୍ପାଦକ ପଦରୁ ଇସ୍ତଫା ଦେଇଛନ୍ତି। ସେ କହିଛନ୍ତି ଯେ ତାଙ୍କ ସହ ଥିବା ସମସ୍ତ ରାଷ୍ଟ୍ରବାଦୀ କର୍ମଚାରୀମାନେ ସେମାନଙ୍କ ପଦରୁ ଇସ୍ତଫା ଦେଇଛନ୍ତି। ସମସ୍ତେ ଜୟନ୍ତ ପାଟିଲଙ୍କୁ ନିଜ ନିଜ ଇସ୍ତଫା ପଠାଇଛନ୍ତି। ତେବେ ଅଜିତ ପାୱାର ମଙ୍ଗଳବାର କହିଥିଲେ ଯେ ଦଳରୁ କାହାର ଇସ୍ତଫା ଗ୍ରହଣ କରାଯିବ ନାହିଁ।
ଏନସିପି ମୁଖ୍ୟ ଶରଦ ପାୱାର ମଙ୍ଗଳବାର ଦଳର ସଭାପତି ପଦରୁ ଇସ୍ତଫା ଘୋଷଣା କରିଛନ୍ତି। ତାଙ୍କ ଘୋଷଣା ପରଠାରୁ ମହାରାଷ୍ଟ୍ର ରାଜନୀତିରେ ଭୂକମ୍ପ ଉଠିଛି। ପରବର୍ତ୍ତୀ ଏନସିପି ସଭାପତି କିଏ ହେବେ ସେନେଇ କଳ୍ପନାଜଳ୍ପନା ଆରମ୍ଭ ହୋଇଛି। ତେବେ ଦଳର କାର୍ଯକର୍ତ୍ତା ଶରଦ ପାୱାରଙ୍କ ଏହି ନିଷ୍ପତ୍ତିକୁ ବିରୋଧ କରିଛନ୍ତି। ପାୱାରଙ୍କ ଇସ୍ତଫା ପରେ ଏନସିପିରେ ଇସ୍ତଫା ପର୍ଯ୍ୟାୟ ଆରମ୍ଭ ହୋଇଛି।
ତେବେ ସୂଚନା ମୁତାବକ ଶରଦ ପାୱାର ପୁଣି ଥରେ ଦଳକୁ ଫେରିବା ନେଇ ଚର୍ଚ୍ଚା ହେଉଛି। ସେ ଦଳକୁ ପୁଣି ଥରେ ପ୍ରତ୍ୟାବର୍ତ୍ତନ କରିବେ କି ନାହିଁ ଏହାର ପୁନର୍ବିଚାର ଲାଗି ସେ ୨ରୁ ୩ ଦିନ ସମୟ ମାଗିଥିବା ଜଣାପଡ଼ିଛି।
