ଓଡ଼ିଶା ଡଟ୍ ନ୍ୟୁଜ୍

31/01/2025 at 11:33 AM

ଗଜପତି: ବିଦ୍ୟୁତ୍ ତାର ସଂସ୍ପର୍ଶରେ ଆସି ଯୁବକଙ୍କ ମୃତ୍ୟୁ ପରେ ଉତ୍ତେଜନା । ଜାତୀୟ ରାଜପଥ ଅବରୋଧ କଲେ ଉତ୍ତ୍ୟକ୍ତ ଲୋକେ । ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଯୋଡ଼ି ପଥର ଗାଁରେ ଘଟିଛି ଏହି ଅଭାବନୀୟ ଘଟଣା ।

ସୂଚନାଯୋଗ୍ୟ, ଯୋଡ଼ି ପଥର ଗାଁର କୃଷ୍ଣ ଦଳବେହେରା କୌଣସି କାମରେ ଚାନ୍ଦିପୁଟ ଯାଇଥିଲେ । କାମ ସାରି ଫେରିଲା ବେଳେ ଘନ କୁହୁଡି ଯୋଗୁଁ ବିଦ୍ୟୁତ ତାର ତଳେ ଛିଣ୍ଡି ପଡ଼ିଥିବା ଦେଖି ପାରି ନଥିଲେ । ଫଳରେ ବିଦ୍ୟୁତ୍ ତାର ସଂସ୍ପର୍ଶରେ ଆସି ତାଙ୍କର ମୃତ୍ୟୁ ଘଟିଥିଲା ।

ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା । ପରିବାର ଲୋକ ଓ ଅଞ୍ଚଳବାସୀ କ୍ଷତିପୂରଣ ଦାବିରେ ଜାତୀୟ ରାଜପଥ ଅବରୋଧ କରିଛନ୍ତି । ପାରଳାଖେମୁଣ୍ଡିଠାରୁ ମୋହନା ଓ ବ୍ରହ୍ମପୁରକୁ ରାସ୍ତାରୋକ କରିଛନ୍ତି ଅଞ୍ଚଳବାସୀ । ଫଳରେ ରାସ୍ତାରେ ଶହ ଶହ ଗାଡି ଅଟକି ରହିଛି । ଖବର ପାଇ ସ୍ଥାନୀୟ ପୋଲିସ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାଶୁଝା କରିଛି ।