ଆଉ ଉଡିବନି ମିଗ୍-୨୧ ବିମାନ! ଉଡାଣ ଉପରେ ରୋକ୍ ଲଗାଇଲା ବାୟୁସେନା
ନୂଆଦିଲ୍ଲୀ: ମିଗ୍-୨୧ ବିମାନ ଉଡାଣ ଉପରେ ଲାଗିଲା ରୋକ୍। ଭାରତୀୟ ବାୟୁସେନା ପକ୍ଷରୁ ମିଗ୍-୨୧ ବିମାନ ଉପରେ ଅସ୍ଥାୟୀ ଭାବେ ରୋକ ଲଗାଯାଇଛି ।
ସୂଚନା ଥାଉ କି, ମେ’୮ ତାରିଖରେ ରାଜସ୍ଥାନର ହନୁମାନ ଗଡ ଠାରେ ଭାରତୀୟ ବାୟୁସେନାର ମିଗ୍-୨୧ ବିମାନ ଦୁର୍ଘଟଣା ହୋଇଥିଲା। ଏହି ଦୁର୍ଘଟଣାରେ ୩ଜଣ ମହିଳାଙ୍କର ମୃତ୍ୟୁ ହୋଇଥିଲା । ଦୁଇଜଣ ପାଇଲଟ ଆହାତ ହୋଇଥିଲେ । ଏହାକୁ ଦୃଷ୍ଟିରେ ରଖି ବିମାନ ଉଡାଣ ଉପରେ ରୋକ୍ ଲାଗାଯାଇଛି। ଦୁର୍ଘଟଣାର ପ୍ରକୃତ କାରଣ ନ ଜାଣବା ପର୍ଯ୍ୟନ୍ତ ମିଗ୍-୨୧ ବିମାନର ସମସ୍ତ ଉଡାଣ ବନ୍ଦ ରହିବ ବୋଲି ବାୟୁସେନା ପକ୍ଷରୁ କୁହାଯାଇଛି।
ଏବେ ବାୟୁସେନା ନିକଟରେ ମିଗ୍-୨୧ର ୩ଟି ସ୍କାର୍ଡନ ରହିଛି । ଏସବୁ ବିମାନଗୁଡିକୁ ୨୦୨୫ ସୁଦ୍ଧା ଅବସର ଦେବାକୁ ବାୟୁସେନା ଯୋଜନା କରିଛି ।
