ଚର୍ଚ୍ଚାରେ ଅକ୍ଷୟ ଖାନ୍ନାଙ୍କ ଡ୍ୟାନ୍ସ ଭିଡିଓ
ମୁମ୍ବାଇ: ଚର୍ଚ୍ଚାରେ ବଲିଉଡ ଅଭିନେତା ଅକ୍ଷୟ ଖାନ୍ନା। ଗତ କିଛି ଦିନ ହେବ ସେ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛନ୍ତି। ସୋସିଆଲ ମିଡିଆ ଖୋଲୁ ଖୋଲୁ କେବଳ ଅକ୍ଷୟ ଖାନ୍ନାଙ୍କ ଭିଡିଓ ଏବଂ ଡ୍ୟାନ୍ସ ଦେଖିବାକୁ ମିଳୁଛି। କେବଳ ସେତିକି ନୁହେଁ, ତାଙ୍କର ଏହି ଡ୍ୟାନ୍ସ ଭିଡିଓ ଦେଖିଲା ପରେ ଫ୍ୟାନ୍ସ ମାନେ ସେହି ଭିଡିଓରେ ଡ୍ୟାନ୍ସ କରୁଥିବା ନଜର ଆସୁଛନ୍ତି। ଏ ହେଉଛି ବଲିଉଡର ନୂଆ ସ୍ପାଏ ଥ୍ରୀଲର୍ “ଧୁରନ୍ଧର”ର ଯାହା କି ଡିସେମ୍ବର ୫ରେ ହଲରେ ରିଲିଜ ହୋଇସାରିଛି। ସିନେମା ହଲରେ ଆସିବା ମାତ୍ରେ ସ୍ନେମ ଜଗତରେ ଧମାକା କରିଛି ।
ସିନେମାଟି ରିଲିଜର ପ୍ରଥମ ଦିନରେ ହିଁ ରେକର୍ଡ ଭାଙ୍ଗିଛି । ରଣବୀରଙ୍କ ଭୂମିକା ସମସ୍ତଙ୍କୁ ପସନ୍ଦ ଆସିଥିବା ବେଳେ ଅକ୍ଷୟ ଖାନ୍ନା ସବୁଠାରୁ ଅଧିକ ପ୍ରଭାବ ପକାଇଛନ୍ତି। ଏବେ ଅକ୍ଷୟ ଖାନ୍ନା ରଣବୀରଙ୍କୁ ମଧ୍ୟ ପଛରେ ପକାଇ ଦେଇଛନ୍ତି । କାହିଁକି ନା ତାଙ୍କ ନୂଆ ଲୁକ୍ ଓ ଏଣ୍ଟ୍ରି ଷ୍ଟାଇଲ୍ ଏବେ ପୂରା ଇଣ୍ଟରନେଟକୁ ଦୋହଲାଇ ଦେଇଛି । ତାଙ୍କୁ ହଲିଉଡ୍ ସ୍ତରର ଭିଲେନ୍ ମାନଙ୍କ ସହ ତୁଳନା କରାଯାଇଛି। ଫିଲ୍ମର ଗୀତ “FA9LA” ଏବଂ ଏଥିରେ ଅକ୍ଷୟଙ୍କ ଏଣ୍ଟ୍ରି ସିନ୍ ବର୍ଷର ସବୁଠାରୁ ସ୍ମରଣୀୟ ମୁହୂର୍ତ୍ତ ମଧ୍ୟରୁ ଗୋଟିଏ ହୋଇଛି ।
‘ଧୁରନ୍ଧର‘ ରେ ଅକ୍ଷୟ ଖାନ୍ନା ପାକିସ୍ତାନୀ ଅଣ୍ଡରୱାର୍ଲ୍ଡ ଡନ୍ ରେହମାନ ଭୂମିକାରେ ଅଭିନୟ କରିଛନ୍ତି। ତାଙ୍କର ଏଣ୍ଟ୍ରି ଏକ ସ୍ୱତନ୍ତ୍ର ବାହାରିନ୍ ଗୀତ FA9LA ସହିତ ହୋଇଛି । ଯେଉଁଥିରେ ତାଙ୍କର ଏକ ଡ୍ୟାନ୍ସ ଷ୍ଟେପ୍ ମଧ୍ୟ ରହିଛି । ଏହି ସିନ୍ ଏତେ ଦମଦାର୍ ହୋଇଛି ଯେ, ଫ୍ୟାନ୍ସଙ୍କୁ ଏହା ଦିୱାନା କରିଛି। FA9LA ଏକ ବାହାରିନ୍ ଗୀତ, ଯାହାକୁ ଫ୍ଲିପର୍ଚି ଗ୍ରୁପ୍ ଗାଇଛି। ଏଥିରେ ଅକ୍ଷୟ ଖାନ୍ନାଙ୍କ ଛୋଟ ଡ୍ୟାନ୍ସ ରହିଛି।
ଜାତୀୟ ପୁରସ୍କାର ବିଜେତା ଚଳଚ୍ଚିତ୍ର ନିର୍ମାତା ଆଦିତ୍ୟ ଧର ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି | କେବଳ ଏହାର ସ୍କେଲ୍ ଏବଂ କାଷ୍ଟ ପାଇଁ ନୁହେଁ ବରଂ ପାକିସ୍ତାନର ବିପଦପୂର୍ଣ୍ଣ ଲିଆରି ବେଲ୍ଟରେ ଏହାର କାହାଣୀ ପାଇଁ ମଧ୍ୟ ବେଶ ପ୍ରସଂଶା ସାଉଁଟିଛି | ବଡ଼ ପରଦାରେ ଡେବ୍ୟୁ ପାଇଁ କାଉଣ୍ଟଡାଉନ୍ ଆରମ୍ଭ ହେବା ସହିତ, ରିପୋର୍ଟ ଅନୁଯାୟୀ ଫିଲ୍ମର OTT ପ୍ରିମିୟର ପୂର୍ବରୁ ବନ୍ଦ ହୋଇସାରିଛି।
ରିପୋର୍ଟ ଅନୁଯାୟୀ, ଏହି ଫିଲ୍ମଟି ଆଗକୁ Netflix ରେ ଷ୍ଟ୍ରିମ୍ ହେବ। ଫିଲ୍ମଟି ଜାନୁଆରୀ 30, 2026 ରେ ଅନଲାଇନରେ ପ୍ରିମିୟର ହେବାର ଆଶା କରାଯାଉଛି। ତଥାପି, ନିର୍ମାତାଙ୍କ ପକ୍ଷରୁ ଏକ ଘୋଷଣାକୁ ଅପେକ୍ଷା କରାଯାଇଛି, ଏବଂ ପ୍ରଶଂସକମାନେ ଏହା ଉପରେ ନଜର ରଖିଛନ୍ତି। ଏହି ଫିଲ୍ମଟି ଏକ ସତ୍ୟ ଏବଂ ଆକ୍ସନ୍-ଗୁପ୍ତଚର କାହାଣୀ ଘଟଣା ଉପରେ ଆଧାରିତ | ଧୁରନ୍ଧର ଭୂମିକାଟି ଜଣେ ନିର୍ଭୀକ ଭାରତୀୟ ଗୁପ୍ତଚର ଅଧିକାରୀଙ୍କୁ ଅନୁସରଣ କରିଛି। ଯିଏ ପାକିସ୍ତାନର ଲିଆରି ଅଞ୍ଚଳରେ ଅନୁପ୍ରବେଶ କରନ୍ତି। ଯାହା ଗ୍ୟାଙ୍ଗ ୱାର, ଆତଙ୍କବାଦୀ ନେଟୱାର୍କ ଏବଂ ଉଚ୍ଚ-ପଦବୀ ଅପରାଧ ସିଣ୍ଡିକେଟ୍ ପାଇଁ କୁଖ୍ୟାତ।
