ଆଧ୍ୟାତ୍ମିକ ଗୁରୁ ଦଲାଇ ଲାମାଙ୍କୁ ଗ୍ରାମୀ ପୁରସ୍କାରରେ ସମ୍ମାନିତ !
ନୂଆଦିଲ୍ଲୀ,୨|୨: ଆଧ୍ୟାତ୍ମିକ ଗୁରୁ ଦଲାଇ ଲାମାଙ୍କୁ ଗ୍ରାମୀ ଆୱାର୍ଡରେ ସମ୍ମାନିତ କରାଯାଇଛି। ୯୦ ବର୍ଷ ବୟସରେ ଦଲାଇ ଲାମାଙ୍କୁ ଏହି ସମ୍ମାନଜନକ ଗ୍ରାମୀ ଆୱାର୍ଡ ପ୍ରଦାନ କରାଯାଇଛି। ୬୮ତମ ବାର୍ଷିକ ଗ୍ରାମୀ ପୁରସ୍କାର ଉତ୍ସବରେ, ଦଲାଇ ଲାମା ତାଙ୍କ ଆଲବମ୍ ମେଡିଟେସନ୍: ଦି ରିଫ୍ଲେକ୍ସନ୍ସ ଅଫ୍ ହିଜ୍ ହୋଲିନେସ୍ ଦି ଦଲାଇ ଲାମା’ ପାଇଁ ସର୍ବୋତ୍ତମ ଅଡିଓବୁକ୍, ନାରେସନ୍ ଓ ଷ୍ଟୋରିଟେଲିଂ ରେକର୍ଡିଂ ପାଇଁ ଏହି ପୁରସ୍କାର ଜିତିଛନ୍ତି। ୟୁଟ୍ୟୁବରେ ଷ୍ଟ୍ରିମ୍ ହୋଇଥିବା ସମାରୋହରେ ସଂଗୀତଜ୍ଞ ରୁଫସ୍ ୱେନରାଇଟ୍ ତାଙ୍କ ପକ୍ଷରୁ ପୁରସ୍କାର ଗ୍ରହଣ କରିଥିଲେ।
ଗ୍ରାମୀ ହେଉଛି ସଂଗୀତ ଜଗତର ସବୁଠାରୁ ପ୍ରତିଷ୍ଠିତ ସମ୍ମାନ। ପ୍ରତିବର୍ଷ ରେକର୍ଡିଂ ଏକାଡେମୀ ଦ୍ୱାରା କଳାକାର ଓ ବୈଷୟିକ ବୃତ୍ତିଗତଙ୍କ ଉଲ୍ଲେଖନୀୟ ସଫଳତା ପାଇଁ ଏହା ଆୱାର୍ଡ ପ୍ରଦାନ କରାଯାଇଥାଏ। ୧୯୮୯ ମସିହାରେ, ତିବ୍ଦତୀୟ ଉଦ୍ଦେଶ୍ୟର ଶାନ୍ତିପୂର୍ଣ୍ଣ ସମର୍ଥନ ଏବଂ ଅହିଂସାର ବାର୍ତ୍ତା ପ୍ରସାର ପାଇଁ ତାଙ୍କୁ ନୋବେଲ ଶାନ୍ତି ପୁରସ୍କାରରେ ସମ୍ମାନିତ କରାଯାଇଥିଲା। ୯୦ ବର୍ଷ ବୟସରେ ଦଲାଇ ଲାମାଙ୍କୁ ଏହି ସମ୍ମାନଜନକ ଗ୍ରାମୀ ଆୱାର୍ଡ ପ୍ରଦାନ କରାଯାଇଛି।
ଏହା ଦଲାଇ ଲାମାଙ୍କର ପ୍ରଥମ ଗ୍ରାମୀ ପୁରସ୍କାର। ସେ ପ୍ରଥମ ଥର ପାଇଁ ପ୍ରାପ୍ତକାରୀଙ୍କ ତାଲିକାରେ କେ-ପପ ଷ୍ଟାର ଏବଂ ନିର୍ଦ୍ଦେଶକ ଷ୍ଟିଭେନ ସ୍ପିଲବର୍ଗଙ୍କ ସହିତ ଯୋଗ ଦେଇଛନ୍ତି। ଗୁରୁ ଦଲାଇ ଲାମା ତାଙ୍କ ବିଜୟ ଉପରେ ପ୍ରତିକ୍ରିୟା ପ୍ରକାଶ କରି, ସୋସିଆଲ ମିଡ଼ିଆ X ରେ ଏକ ପୋଷ୍ଟ କରିଛନ୍ତି | ଯେଉଁଥିରେ ସେ ଲେଖିଛନ୍ତି ଯେ, ସେ କୃତଜ୍ଞତା ଏବଂ ନମ୍ରତାର ସହିତ ଏହି ସମ୍ମାନ ଗ୍ରହଣ କରିଛନ୍ତି | ଏହାକୁ “ବ୍ୟକ୍ତିଗତ କିଛି ନୁହେଁ, ବରଂ ଆମର ସହଭାଗୀ ସାର୍ବଜନୀନ ଦାୟିତ୍ୱର ସ୍ୱୀକୃତି” ଭାବରେ ବିବେଚନା କରନ୍ତି।
ସେ ଆହୁରି ମଧ୍ୟ କହିଛନ୍ତି,”ମୁଁ ପ୍ରକୃତରେ ବିଶ୍ୱାସ କରେ ଯେ ଶାନ୍ତି, କରୁଣା, ଆମ ପରିବେଶ ପ୍ରତି ଯତ୍ନ ଏବଂ ମାନବତାର ଏକତାକୁ ବୁଝିବା ସମସ୍ତ ଲୋକଙ୍କ ସାମୂହିକ ମଙ୍ଗଳ ପାଇଁ ଅତ୍ୟାବଶ୍ୟକ। ମୁଁ କୃତଜ୍ଞ ଯେ ଏହି ଗ୍ରାମୀ ମାନ୍ୟତା ଏହି ବାର୍ତ୍ତାଗୁଡ଼ିକୁ ଅଧିକ ବ୍ୟାପକ ଭାବରେ ପ୍ରସାର କରିବାରେ ସାହାଯ୍ୟ କରିପାରିବ,” ବୋଲି ସେ ପୋଷ୍ଟରେ ଉଲ୍ଲେଖ କରିଛନ୍ତି |
