ଓଡିଶା ବିଧାନସଭା ଷ୍ଟାଣ୍ଡିଙ୍ଗ କମିଟି ବୈଠକରେ ଗଜପତି ଜିଲ୍ଲା ମୁଖ୍ୟ ଡାକ୍ତରଖାନାରେ ତୁରନ୍ତ ଆଇସିୟୁ ପ୍ରତିଷ୍ଠା ସହ ଡାକ୍ତରଙ୍କ ପଦବୀ ପୂରଣ ପାଇଁ ଦାବି ରଖିଲେ ପାରଳା ବିଧାୟକ ରୁପେଶ ପାଣିଗ୍ରାହୀ
ପାରଳାଖେମୁଣ୍ଡି:୨/୩(ଗରୁଡ଼ ଧ୍ଵଜ ଚୌଧୁରୀ) ଆଜି ଭୁବନେଶ୍ଵର ଠାରେ ବିଧାନସଭାର ସ୍ଵତନ୍ତ୍ର ସଭାଗୃହରେ ଷ୍ଟାଣ୍ଡିଙ୍ଗ କମିଟି ଅଧକ୍ଷ ବିଭୂତି ଭୂଷଣ ପ୍ରଧାନଙ୍କ ନେତୃତ୍ବରେ ଷ୍ଟାଣ୍ଡିଙ୍ଗ କମିଟି ବୈଠକ ଅନୁଷ୍ଟିତ ହୋଇଯାଇଛି । ଉକ୍ତ ବୈଠକରେ ପାରଳାଖେମୁଣ୍ଡି ଠାରେ ଥିବା ଗଜପତି ଜିଲ୍ଲା ମୁଖ୍ୟ ଚିକିତ୍ସାଳୟରେ ଆଇସିୟୁ ସହିତ ଆବଶ୍ୟକ ଅନୁସାରେ ବିଶେଷଜ୍ଞ ଡାକ୍ତର ଓ ନର୍ସ ନଥିବାରୁ ଚିକିତ୍ସା ନପାଇ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ବୋଲି ପାରଳା ବିଧାୟକ ରୂପେଶ ପାଣିଗ୍ରାହୀ ଜଣାଇଛନ୍ତି. ଯାହାକୁ ନେଇ ତୁରନ୍ତ ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟରେ ଏକ ଆଇସିୟୁ ଓ ଏମ୍ ଆର ଆଇ ସୁବିଧା ଯୋଗାଇ ଦେବା ପାଇଁ ଆଜି ବିଧାସଭା ଷ୍ଟାଣ୍ଡିଙ୍ଗ କମିଟି ବୈଠକରେ ପାରଳା ବିଧାୟକ ଶ୍ରୀ ପାଣିଗ୍ରାହୀ ଦାବି ରଖିଛନ୍ତି। ଆଇସିୟୁ , ସହ ମୁଖ୍ୟ ଚିକିତ୍ସାଳୟରେ ଏମ ଆର ଆଇ, ବିଶେଷଜ୍ଞ ଡାକ୍ତର, ନର୍ସିଂ ଅଫିସର ଆବଶ୍ୟକ ଆମ୍ବୁଲାନ୍ସ, ଚନ୍ଦ୍ରଗିରି ଓ ଖଜୁରୀପଦା ଠାରେ ଅତିରିକ୍ତ ଶବ ବ୍ୟବଚ୍ଛେଦ ଗୃହ ପ୍ରତିଷ୍ଠା କରିବା ପାଇଁ ଦାବି ରଖିଛନ୍ତି । ସେହିଭଳି ଗୁମ୍ମା, କାଶୀନଗର, ଗୁରାଣ୍ଡି ଠାରେ ମିଶନ ଶକ୍ତି କ୍ୟାଫେ ଖୋଲିବା ପାଇଁ ଦାବି ରଖିଛନ୍ତି ।
