Onion Price Hike: ପିଆଜ ଦର ବୃଦ୍ଧିରେ ସରକାରଙ୍କ ବଡ଼ Action, ଏହି ସହରକୁ ପଠାଯିବ ଶସ୍ତା ପିଆଜ
ନୂଆଦିଲ୍ଲୀ: ଦେଶର ବିଭିନ୍ନ ସହରରେ ପିଆଜ ଦର ବଢ଼ିବା ପରେ ସରକାର ଏହାକୁ ନିୟନ୍ତ୍ରଣ କରିବାକୁ ବଡ଼ ପଦକ୍ଷେପ ନେବାକୁ ଯାଉଛନ୍ତି। ଅଧିକ ଦର ଥିବା ଅଞ୍ଚଳରେ ସରକାରୀ Buffer Stockରୁ ପିଆଜ ଯୋଗାଣ ବଢ଼ାଇବାକୁ ଯୋଜନା ହୋଇଛି। ରିପୋର୍ଟ ଅନୁସାରେ, ଶନିବାର ଦେଶରେ ପିଆଜର ହାରାହାରି ଖୁଚୁରା ଦର କିଲୋପ୍ରତି ପ୍ରାୟ ୪୨ ଟଙ୍କାରେ ପହଞ୍ଚିଥିଲା। ଦିଲ୍ଲୀରେ ଏହା ପ୍ରାୟ ୬୫ ଟଙ୍କା ଏବଂ ଚେନ୍ନାଇରେ ପ୍ରାୟ ୫୮ ଟଙ୍କା ପ୍ରତି କିଲୋ ରହିଥିବା ସୂଚନା ମିଳିଛି।
ସରକାର ଉଚ୍ଚ ଦର ଥିବା ଅଞ୍ଚଳକୁ Buffer Stockରୁ ପିଆଜ ପଠାଇ ବଜାରରେ ଯୋଗାଣ ବଢ଼ାଇବାକୁ ଚାହୁଁଛନ୍ତି। ଏଥିପାଇଁ ‘Kanda Express’ ଭଳି ବିଶେଷ ରେଳ ପରିବହନ ବ୍ୟବସ୍ଥାକୁ ପୁଣି ବ୍ୟବହାର କରିବାର ଯୋଜନା ରହିଛି। ମହାରାଷ୍ଟ୍ରର ନାସିକରୁ ଦିଲ୍ଲୀ, ଚେନ୍ନାଇ, କୋଚି ଓ ଗୁଆହାଟି ଭଳି ଅଧିକ ଦର ଥିବା ସହରକୁ ପିଆଜ ପହଞ୍ଚାଇବା ଉପରେ ଗୁରୁତ୍ୱ ଦିଆଯାଉଛି। ଏହାଦ୍ୱାରା ଦୂରଦୂରାନ୍ତରେ ପିଆଜ ପରିବହନ ସମୟ ଓ ଖର୍ଚ୍ଚ ମଧ୍ୟ କମିପାରେ।
ତେବେ ସରକାରଙ୍କ ଲକ୍ଷ୍ୟ କେବଳ ବର୍ତ୍ତମାନର ଦର ନିୟନ୍ତ୍ରଣରେ ସୀମିତ ନୁହେଁ। ଆଗାମୀ ମାସରେ ଯୋଗାଣ ଠିକ୍ ରଖିବା ପାଇଁ ଚାଷୀଙ୍କ ସହଯୋଗରେ ପିଆଜ ଭଣ୍ଡାରଣ ବ୍ୟବସ୍ଥାକୁ ମଧ୍ୟ ମଜବୁତ କରାଯାଉଛି। ଅଧିକ ଦର ଥିବା ଅଞ୍ଚଳକୁ ପ୍ରାଥମିକତା ଦେଇ ପିଆଜ ଯୋଗାଣ କରାଗଲେ ବଜାରରେ ଦର କମିବା ସହ ସାଧାରଣ ଗ୍ରାହକଙ୍କୁ ମଧ୍ୟ ଆଶ୍ୱସ୍ତି ମିଳିପାରେ।
