UP Food Safety Raid: ନିଜ ମିଠା ଖାଇବାକୁ ମନା କଲେ କର୍ମଚାରୀ, Adulteration ଅଭିଯୋଗରେ ତଦନ୍ତ ଆରମ୍ଭ
ଉତ୍ତରପ୍ରଦେଶ: ଉତ୍ତରପ୍ରଦେଶର ହମୀରପୁରରେ ଏକ ମିଠା ଦୋକାନରେ Food Safety Raid ସମୟରେ ନିଜେ ବିକ୍ରି କରୁଥିବା ମିଠା ଖାଇବାକୁ ଦୋକାନ କର୍ମଚାରୀ ମନା କରିବା ଘଟଣା ଏବେ ସୋସିଆଲ ମିଡିଆରେ ଚର୍ଚ୍ଚାରେ ରହିଛି। ଅଭିଯୋଗ ପରେ ଅଧିକାରୀମାନେ ‘ଜୟ ଭବାନୀ ସ୍ୱିଟ୍ସ’ଦୋକାନରେ ଚଢ଼ାଉ କରିଥିଲେ। ଦୋକାନରେ ଅସ୍ୱାସ୍ଥ୍ୟକର ପରିବେଶ ସହ ମିଠାରେ ଭେଜାଲ ଥିବା ଅଭିଯୋଗ ଆସିଥିଲା। ଏହାସହ ନିଷିଦ୍ଧ ପ୍ରକାରର Silver Leaf ବ୍ୟବହାର ହେଉଥିବା ନେଇ ମଧ୍ୟ ସୂଚନା ମିଳିଥିଲା।
ଘଟଣାର ଭାଇରାଲ ଭିଡିଓରେ ଜଣେ ଖାଦ୍ୟ ସୁରକ୍ଷା ଅଧିକାରୀ ଦୋକାନର କର୍ମଚାରୀଙ୍କୁ ମିଠା ଖାଇବାକୁ ଦେଉଥିବା ଦେଖାଯାଇଛି। ଅନଲାଇନରେ ‘ଅନ୍ନି ବାବା’ ନାମରେ ପରିଚିତ ଏହି ବ୍ୟକ୍ତି ମିଠା ଖାଇବାକୁ ଅନିଚ୍ଛା ପ୍ରକାଶ କରିଥିଲେ। ଅଧିକାରୀ ବାରମ୍ବାର ମିଠା ଖାଇବାକୁ କହିଥିଲେ ମଧ୍ୟ ସେ ଏହାକୁ ମନା କରିଥିଲେ। ଏହି ଘଟଣା ପରେ ସୋସିଆଲ ମିଡିଆ ୟୁଜରମାନେ ଖାଦ୍ୟର ଗୁଣବତ୍ତାକୁ ନେଇ ପ୍ରଶ୍ନ ଉଠାଇଛନ୍ତି। ଦୋକାନର ମିଠା ଖାଇବା ପରେ ଜଣେ ମହିଳା ଅସୁସ୍ଥ ହୋଇଥିବା ଅଭିଯୋଗ ମଧ୍ୟ ରହିଛି।
ଜିଲ୍ଲାପାଳଙ୍କ ନିର୍ଦ୍ଦେଶରେ ଖାଦ୍ୟ ସୁରକ୍ଷା ଅଧିକାରୀମାନେ ଦୋକାନରୁ ବିଭିନ୍ନ Food Samples ସଂଗ୍ରହ କରିଛନ୍ତି। SDM କରଣବୀର ସିଂହ କହିଛନ୍ତି ଯେ, ତଦନ୍ତରେ ଦୋକାନ ମାଲିକ ନିମ୍ନମାନର କିମ୍ବା ଭେଜାଲ ଖାଦ୍ୟ ବିକ୍ରି କରୁଥିବା ପ୍ରମାଣିତ ହେଲେ କଠୋର କାର୍ଯ୍ୟାନୁଷ୍ଠାନ ନିଆଯିବ। ପର୍ବପର୍ବାଣୀ ପୂର୍ବରୁ ଦେଶର ବିଭିନ୍ନ ରାଜ୍ୟରେ Food Safety Inspection ବଢ଼ାଯାଇଥିବା ବେଳେ ଉତ୍ତରପ୍ରଦେଶର ନୋଏଡା ଏବଂ ମହାରାଷ୍ଟ୍ରରେ ମଧ୍ୟ ନିମ୍ନମାନର ଖାଦ୍ୟ ବିରୋଧରେ ଯାଞ୍ଚ ଓ କାର୍ଯ୍ୟାନୁଷ୍ଠାନ ଜାରି ରହିଛି।
