Market Crash: ୨୦୦୮ ଭଳି ପୁଣି ବଢ଼ୁଛି ବଜାରର ଦାମ, ? ନିବେଶକଙ୍କୁ ସତର୍କ କରୁଛି ପୁରୁଣା ଅଭିଜ୍ଞତା
ନୂଆଦିଲ୍ଲୀ: ୨୦୦୮ରେ ଘଟିଥିବା ବଡ଼ ଆର୍ଥିକ ସଙ୍କଟ ବିଶ୍ୱର ଶେୟର ବଜାରକୁ ଦୋହଲାଇ ଦେଇଥିଲା। ସେତେବେଳେ ବଜାରରେ ନିବେଶକଙ୍କ ଉତ୍ସାହ ଖୁବ୍ ବଢ଼ିଯାଇଥିଲା। ଅନେକ ଶେୟରର ମୂଲ୍ୟ ମଧ୍ୟ ବାସ୍ତବ ମୂଲ୍ୟ ତୁଳନାରେ ବହୁତ ଅଧିକ ହୋଇଥିଲା। କିନ୍ତୁ ପରେ ବଜାରରେ ହଠାତ୍ ବଡ଼ ଧରଣର ପତନ ଦେଖିବାକୁ ମିଳିଥିଲା। ଏହି ଘଟଣା ନିବେଶକଙ୍କୁ ଏକ ବଡ଼ ଶିକ୍ଷା ଦେଇଥିଲା ଯେ, ବଜାର ବଢ଼ୁଛି ବୋଲି ଆଖିବୁଜି ନିବେଶ କରିବା ଠିକ୍ ନୁହେଁ।
ବର୍ତ୍ତମାନ ପୁଣି ବିଭିନ୍ନ ବଜାରରେ ଶେୟରର ମୂଲ୍ୟ ଏବଂ Valuation ବଢ଼ୁଥିବାରୁ ୨୦୦୮ର ଘଟଣାକୁ ନେଇ ଆଲୋଚନା ହେଉଛି। ଏହାର ଅର୍ଥ ଯେ ବର୍ତ୍ତମାନ ନିଶ୍ଚିତ ଭାବେ ୨୦୦୮ ଭଳି ବଜାର ପତନ ହେବ, ତାହା ନୁହେଁ। କିନ୍ତୁ ଶେୟରର ମୂଲ୍ୟ ବହୁତ ବଢ଼ିଗଲେ ନିବେଶକଙ୍କୁ ଅଧିକ ସତର୍କ ହେବା ଆବଶ୍ୟକ। କୌଣସି ଶେୟର କିଣିବା ପୂର୍ବରୁ କମ୍ପାନୀର ବ୍ୟବସାୟ, ଆୟ, ଲାଭ ଏବଂ ଋଣ ସମ୍ପର୍କରେ ଜାଣିବା ଜରୁରୀ।
ବିଶେଷକରି ବଜାରରେ ଅଧିକ ଉତ୍ସାହ ଦେଖାଦେଲେ ନିବେଶକଙ୍କୁ ନିଜ ନିବେଶ ବିଷୟରେ ଭଲ ଭାବେ ଭାବିବା ଦରକାର। କେବଳ ଅନ୍ୟମାନେ ଲାଭ କରୁଛନ୍ତି ବୋଲି ନିବେଶ କରିବା ଅପେକ୍ଷା ନିଜେ କେଉଁ ଶେୟର ଧରିଛନ୍ତି, ତାହାର ମୂଲ୍ୟ କେତେ ଏବଂ ସେଥିରେ କେତେ କ୍ଷତିର ଆଶଙ୍କା ରହିଛି, ତାହା ବୁଝିବା ଅଧିକ ଜରୁରୀ। ୨୦୦୮ର ଶିକ୍ଷା ହେଉଛି—ବଜାରରେ ଲାଭର ଆଶା ରଖିବା ସହ ସମ୍ଭାବ୍ୟ କ୍ଷତି ପାଇଁ ମଧ୍ୟ ପ୍ରସ୍ତୁତ ରହିବା ଦରକାର।
