CJP Leaders Custody: ଶାନ୍ତି ଚୁକ୍ତି ଉଲ୍ଲଂଘନ ଅଭିଯୋଗରେ ସୌରଭ ଦାସ ଓ ଆଶୁତୋଷ ରାଙ୍କାଙ୍କୁ ୫ ଦିନ ଜେଲ୍, ଜଣେ ମୁକ୍ତ
ନୂଆଦିଲ୍ଲୀ: CJPର ନେତା ସୌରଭ ଦାସ ଓ ଆଶୁତୋଷ ରାଙ୍କାଙ୍କୁ ଶାନ୍ତି ବଜାୟ ରଖିବା ପାଇଁ ସ୍ୱାକ୍ଷର କରିଥିବା ବଣ୍ଡ୍ର ସର୍ତ୍ତ ଉଲ୍ଲଂଘନ ଅଭିଯୋଗରେ ୫ ଦିନ ପାଇଁ ତିହାର ଜେଲ୍କୁ ପଠାଯାଇଛି। ପୁଲିସର କହିବା ଅନୁସାରେ, ଉଭୟ ପୁଣିଥରେ ଭାରତୀୟ ନାଗରିକ ସୁରକ୍ଷା ସଂହିତା (BNSS)ର ଧାରା ୧୬୩ ଉଲ୍ଲଂଘନ କରିବା ସହ ବଣ୍ଡ୍ରେ ଥିବା ସର୍ତ୍ତ ପାଳନ କରିନାହାନ୍ତି।
ପୁଲିସ ଉଭୟଙ୍କ ପୂର୍ବ ଆଚରଣକୁ ଆଧାର କରି ସେମାନଙ୍କୁ ବାରମ୍ବାର ନିୟମ ଉଲ୍ଲଂଘନ କରୁଥିବା ବ୍ୟକ୍ତି ବୋଲି ଦର୍ଶାଇଥିଲା। ଏହାପରେ କୋର୍ଟ ଉଭୟଙ୍କୁ ୫ ଦିନ ପାଇଁ ନ୍ୟାୟିକ ହେପାଜତକୁ ପଠାଇବା ନିର୍ଦ୍ଦେଶ ଦେଇଛନ୍ତି। ତେବେ ଏହି ମାମଲାରେ ପୁଲିସର ଅଭିଯୋଗ ଓ କୋର୍ଟଙ୍କ ନିଷ୍ପତ୍ତିକୁ ଆଧାର କରି ଆଗାମୀ ଆଇନଗତ ପ୍ରକ୍ରିୟା ଜାରି ରହିବ।
ଅନ୍ୟପକ୍ଷରେ, CJPର ଆଉ ଜଣେ ନେତା ଅଜିଙ୍କ୍ୟ ସିନ୍ଦେ ଶାନ୍ତି ବଣ୍ଡ୍ରେ ସ୍ୱାକ୍ଷର କରିବା ପରେ ମୁକ୍ତ ହୋଇଛନ୍ତି। ଏହି ଘଟଣା ପରେ ସଂଗଠନ ପକ୍ଷରୁ ଆଗାମୀ କାର୍ଯ୍ୟପନ୍ଥା ସ୍ଥିର କରିବା ପାଇଁ ଏକ ବୈଠକ ଡକାଯିବାର ସୂଚନା ରହିଛି। ବୈଠକରେ ପରବର୍ତ୍ତୀ ପଦକ୍ଷେପ ଓ ସଂଗଠନର ରଣନୀତି ନେଇ ଆଲୋଚନା ହେବ।
