Punjab Shooting: ଅମୃତସରରେ AAP ସରପଞ୍ଚଙ୍କ ପୁଅଙ୍କୁ ଗୁଳି କରି ହତ୍ୟା, ବନ୍ଧୁ ଆହତ
ପଞ୍ଜାବ: ପଞ୍ଜାବର ଅମୃତସର ଜିଲ୍ଲାରେ ଏକ ଗୁରୁଦ୍ୱାର ନିକଟରେ ଗୁଳିମାଡ଼ ଘଟଣାରେ ଆମ୍ ଆଦମୀ ପାର୍ଟି (AAP)ର ସରପଞ୍ଚ ତୀରଥ ସିଂହଙ୍କ ପୁଅଙ୍କ ମୃତ୍ୟୁ ହୋଇଛି। ଏହି ଘଟଣାରେ ତାଙ୍କର ଜଣେ ବନ୍ଧୁ ମଧ୍ୟ ଆହତ ହୋଇଛନ୍ତି। ଗୁଳିମାଡ଼ ପରେ ଅଞ୍ଚଳରେ ଚର୍ଚ୍ଚା ଓ ଉତ୍ତେଜନା ଦେଖାଦେଇଛି।
ପୋଲିସର ପ୍ରାଥମିକ ଅନୁମାନ ଅନୁସାରେ, ପୁରୁଣା ଶତ୍ରୁତାକୁ ନେଇ ଏହି ଗୁଳିମାଡ଼ ହୋଇଥାଇପାରେ। ଅନ୍ୟପଟେ, ମୃତକଙ୍କ ପରିବାର ଅଭିଯୋଗ କରିଛି ଯେ ନିଶା ସେବନକୁ ନେଇ ହୋଇଥିବା ବିବାଦ ପରେ ଗୁଳିମାଡ଼ ହୋଇଥିଲା। ତେବେ ଘଟଣାର ପ୍ରକୃତ କାରଣ ଏବେ ଯାଞ୍ଚ କରାଯାଉଛି।
ଏହି ଘଟଣାରେ ଚାରି ଜଣଙ୍କ ବିରୋଧରେ ଏଫ୍ଆଇଆର୍ ରୁଜୁ ହୋଇଛି। ଅଭିଯୁକ୍ତମାନଙ୍କୁ ଗିରଫ କରିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରୁଛି। ତଦନ୍ତ ପରେ ଗୁଳିମାଡ଼ ପଛର ପ୍ରକୃତ କାରଣ ଓ ଘଟଣାରେ ସମ୍ପୃକ୍ତ ବ୍ୟକ୍ତିଙ୍କ ବିଷୟରେ ଅଧିକ ତଥ୍ୟ ସାମ୍ନାକୁ ଆସିବ।
