Asaram Parole Update: ପାରୋଲ୍ ଅବଧି ବଢ଼ାଇବାକୁ ଆସାରାମଙ୍କ ଆବେଦନ ଖାରଜ, ମଙ୍ଗଳବାର ସନ୍ଧ୍ୟା ୫ଟା ସୁଦ୍ଧା ଜେଲ୍ ଫେରିବାକୁ ନିର୍ଦ୍ଦେଶ
ନୂଆଦିଲ୍ଲୀ: ଆସାରାମଙ୍କ ପାରୋଲ୍ ଅବଧି ବଢ଼ାଇବା ଆବେଦନକୁ ସୁପ୍ରିମକୋର୍ଟ ଖାରଜ କରିଛନ୍ତି। ଚିକିତ୍ସା ପାଇଁ ମିଳିଥିବା ୨୦ ଦିନର ପାରୋଲ୍କୁ ଆଉ କିଛି ଦିନ ବଢ଼ାଇବାକୁ ସେ ଆବେଦନ କରିଥିଲେ। ତେବେ କୋର୍ଟ ତାଙ୍କୁ ମଙ୍ଗଳବାର ସନ୍ଧ୍ୟା ୫ଟା ସୁଦ୍ଧା ଯୋଧପୁର କେନ୍ଦ୍ରୀୟ ଜେଲ୍ରେ ଆତ୍ମସମର୍ପଣ କରିବାକୁ ନିର୍ଦ୍ଦେଶ ଦେଇଛନ୍ତି।
ନାବାଳିକାଙ୍କୁ ବଳାତ୍କାର ମାମଲାରେ ଆଜୀବନ କାରାଦଣ୍ଡ ଭୋଗୁଥିବା ଆସାରାମ ଅଧିକ ଚିକିତ୍ସା ପାଇଁ ପାରୋଲ୍ ଅବଧି ବଢ଼ାଇବାକୁ ଚାହୁଁଥିଲେ। କିନ୍ତୁ ତାଙ୍କ ଆବେଦନକୁ କୋର୍ଟ ଗ୍ରହଣ କରିନାହାନ୍ତି। ଏହାସହ ଆସାରାମଙ୍କୁ ଜେଲ୍କୁ ଫେରିବା ପରେ ଆବଶ୍ୟକ ଓ ଉପଯୁକ୍ତ ଚିକିତ୍ସା ସୁବିଧା ଯୋଗାଇଦେବାକୁ ରାଜସ୍ଥାନ ସରକାରଙ୍କୁ କୋର୍ଟ କହିଛନ୍ତି।
ଆସାରାମଙ୍କ ଆବେଦନ ସମ୍ପର୍କିତ ପରବର୍ତ୍ତୀ ଶୁଣାଣି ୨୦୨୬ ନଭେମ୍ବର ୬ ତାରିଖରେ ହେବାକୁ ସ୍ଥିର ହୋଇଛି। ପାରୋଲ୍ ଅବଧି ବଢ଼ାଇବାକୁ ଅନୁମତି ନମିଳିବାରୁ ତାଙ୍କୁ ନିର୍ଦ୍ଧାରିତ ସମୟ ମଧ୍ୟରେ ଜେଲ୍କୁ ଫେରିବାକୁ ପଡ଼ିବ। ଅନ୍ୟପଟେ, ଜେଲ୍ରେ ତାଙ୍କ ଚିକିତ୍ସାର ଉପଯୁକ୍ତ ବ୍ୟବସ୍ଥା କରିବାକୁ ରାଜ୍ୟ ସରକାରଙ୍କୁ କୋର୍ଟଙ୍କ ନିର୍ଦ୍ଦେଶ ରହିଛି।
