ପୁର୍ବତନ ମନ୍ତ୍ରୀ ବିଜୟ ରାମ ରାଜୁଙ୍କ ବିୟୋଗରେ କେ. ନାରାୟଣ ରାଓଙ୍କ ଶୋକ ପ୍ରକାଶ
ପୁର୍ବତନ ମନ୍ତ୍ରୀ ବିଜୟ ରାମ ରାଜୁଙ୍କ ବିୟୋଗରେ କେ. ନାରାୟଣ ରାଓଙ୍କ ଶୋକ ପ୍ରକାଶ
ପାରଳାଖେମୁଣ୍ଡି:୧୬/୧୧(ଗରୁଡ଼ ଧ୍ଵଜ ଚୌଧୁରୀ) ପଡ଼ୋଶୀ ରାଜ୍ୟ ଆନ୍ଧ୍ରପ୍ରଦେଶର ବରିଷ୍ଠ ରାଜନେତା, ଦକ୍ଷ ସଂଗଠକ, ପୂର୍ବତନ ମନ୍ତ୍ରୀ, ସାଂସଦ ତଥା ବିରୋଧୀ ଦଳ ନେତା ଶତୃ ଚେଲା ବିଜୟ ରାମ ରାଜୁଙ୍କ ବିୟୋଗ ଖବରରେ ଗଭୀର ଶୋକ ପ୍ରକାଶ କରିଛନ୍ତି ପୂର୍ବତନ ବିଧାୟକ ତଥା ରାଜ୍ୟ ବିଜେପି ଉପସଭାପତି କେ. ନାରାୟଣ ରାଓ।ଏହି ଦୁଃଖଦ ଖବର ପାଇବା ପରେ ଶ୍ରୀ ରାଓ ଆନ୍ଧ୍ରପ୍ରଦେଶର ମାନ୍ୟମ ଜିଲ୍ଲା ସ୍ଥିତ ସ୍ୱର୍ଗତ ବିଜୟ ରାମ ରାଜୁଙ୍କ ବାସଭବନକୁ ଯାଇ ଶୋକସନ୍ତପ୍ତ ପରିବାର ବର୍ଗଙ୍କୁ ଭେଟିବା ସହ ଗଭୀର ସମବେଦନା ଜଣାଇଥିଲେ। ଏହି ସମୟରେ ତାଙ୍କ ଶାଳକ ଶଙ୍କର ଲାଲ ସୋରେନ ବାବୁ ମଧ୍ୟ ଉପସ୍ଥିତ ଥିଲେ।ସ୍ୱର୍ଗତ ବିଜୟ ରାମ ରାଜୁ ଆନ୍ଧ୍ରପ୍ରଦେଶ ସରକାରରେ ଜଙ୍ଗଲ ଓ ପରିବେଶ ମନ୍ତ୍ରୀ ଥିବା ସମୟରେ ଗଜପତି ଜିଲ୍ଲା, ବିଶେଷକରି ପାରଳାଖେମୁଣ୍ଡି ଅଞ୍ଚଳର ଲୋକଙ୍କ ସହ ତାଙ୍କର ଅତ୍ୟନ୍ତ ଘନିଷ୍ଠ ଓ ସୁସମ୍ପର୍କ ରହିଥିଲା।ସେ ଓଡ଼ିଶାର ଲୋକ ମାନଙ୍କୁ ବିଭିନ୍ନ ସମୟରେ ଅନେକ ସହଯୋଗ ଓ ସାହାଯ୍ୟ କରିଥିଲେ। ତେଣୁ ତାଙ୍କର ଜନହିତକର କାର୍ଯ୍ୟ ଓ ଆତ୍ମୀୟତାକୁ ଗଜପତି ଜିଲ୍ଲାବାସୀ ଆଜି ମଧ୍ୟ ଶ୍ରଦ୍ଧାର ସହ ସ୍ମରଣ କରୁଛନ୍ତି। ସେ ଆନ୍ଧ୍ର ପ୍ରଦେଶର ଏକମାତ୍ର ରାଜ ନେତା ଯିଏ କି ଓଡ଼ିଆରେ କଥାବାର୍ତ୍ତା କରିଥାନ୍ତି l ଉପାନ୍ତ ଅଞ୍ଚଳର ଓଡ଼ିଆମାନଙ୍କ ଅଭାବ ଅସୁବିଧା ବୁଝିଥାନ୍ତି l ପାରଳାଖେମୁଣ୍ଡି ର କୌଣସି ବ୍ୟକ୍ତି ଆନ୍ଧ୍ରରେ ଅସୁବିଧାରେ ପଡ଼ିଥିଲେ ତାଙ୍କୁ ସାହାଯ୍ୟ ଓ ସହଯୋଗ ର ହାତ ବଢ଼ାଇ ଥାନ୍ତି l ପାରଳାଖେମୁଣ୍ଡି ନିର୍ବାଚନ ମଣ୍ଡଳୀ କୁ ଲାଗିରହିଥିବା ପୁରୁଣାପାଟଣା ନିର୍ଵାଚନ ମଣ୍ଡଳୀର ପୁର୍ବରୁ ବିଧାୟକ
ଥିଲେ l ସେ ଅଧିକାଂଶ ସମୟ ପାରଳାଖେମୁଣ୍ଡି ସହର ସ୍ଥିତ ତାଙ୍କର ଶଳା ଶଙ୍କରଲାଲ ସୋରେନ ଙ୍କ ଘରେ ଆସି ରହୁଥିଲେ l ତାଙ୍କ ବିୟୋଗରେ ଆନ୍ଧ୍ରପ୍ରଦେଶ ସମେତ ଓଡ଼ିଶାର ଗଜପତି ଜିଲ୍ଲାରେ ମଧ୍ୟ ଶୋକର ଛାୟା ଖେଳିଯାଇଛି।

