ପ୍ରଜ୍ଞା ପଟ୍ଟନାୟକ

25/04/2023 at 9:51 AM

ସମ୍ବଲପୁର: ସୁଧୁରୁଛି ଅଶାନ୍ତ ସମ୍ବଲପୁର। ଧୀରେ ଧୀରେ କୋହଳ ହେଉଛି କଟକଣା। ଆଜିଠୁ ସକାଳ ୫ଟାରୁ ରାତି ୧୦ଟା ଯାଏଁ କର୍ଫ୍ୟୁ କୋହଳ କରାଯାଇଛି । ଏବେ କେବଳ ରାତିରେ ୭ ଘଣ୍ଟା ଜାରି ରହିବ କଟକଣା । ଏନେଇ ପ୍ରଶାସନ ପକ୍ଷରୁ ସୂଚନା ଦିଆଯାଇଛି। କଟକଣା କୋହଳ ପରେ ଉଠାଦୋକାନୀକୁ ଆଶ୍ବସ୍ତି ମିଳିଛି।

ସମ୍ବଲପୁର ହନୁମାନ ଜୟନ୍ତୀ ରାଲି ଘଟଣାକୁ ୧୧ ଦିନ ବିତିଯାଇଥିଲେ ମଧ୍ୟ ସ୍ଥିତି ସମ୍ପୂର୍ଣ୍ଣ ସୁଧୁରିନି। ସେହିପରି ଦୀର୍ଘ ୧୦ ଦିନ ପରେ ଜିଲ୍ଲାରେ ଇଣ୍ଟରନେଟ୍ ସେବା ସ୍ୱାଭାବିକ ହୋଇଛି ।ପୂର୍ବରୁ ସକାଳ ୫ଟାରୁ ରାତି ୮ ଟା ପର୍ଯ୍ୟନ୍ତ କର୍ଫ୍ୟୁ କୋହଳ ରହିଥିଲା ଆଜିଠୁ ସକାଳ ୫ଟାରୁ ରାତି ୧୦ଟା ଯାଏଁ କର୍ଫ୍ୟୁ କୋହଳ ରହିବ।