ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

21/07/2025 at 10:32 AM

ମୁମ୍ବାଇ: ‘ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ ସିଜନ୍ ୩’ ସେଟ୍ ରୁ ଏକ ଆଶ୍ଚର୍ଯ୍ୟଜନକ ଖବର ଆସିଛି। କୁହାଯାଉଛି ଯେ ରାଘବ ଚଡ୍ଡା ଏବଂ ପରିଣୀତି ଚୋପ୍ରାଙ୍କ ସହିତ ଶୋ’ର ସୁଟିଂ ଚାଲିଥିଲା। ଯାହାକୁ ହଠାତ୍ ମଝିରେ ବନ୍ଦ କରିବାକୁ ପଡିଛି। କାରଣ ଅଭିନେତ୍ରୀଙ୍କ ଶାଶୁଙ୍କ ସ୍ୱାସ୍ଥ୍ୟ ହଠାତ୍ ଖରାପ ହୋଇଯାଇଥିଲା। ଏବଂ ତାଙ୍କୁ ତୁରନ୍ତ ହସ୍ପିଟାଲକୁ ନେବାକୁ ପଡିଥିଲା। ତେଣୁ ଶୋ’ର ସୁଟିଂ ବାତିଲ କରାଯାଇଥିଲା।

ଭିରାଲ ଭୟାନୀଙ୍କ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରାଯାଇଥିବା ସୂଚନା ଅନୁଯାୟୀ, ପରିଣୀତି ଚୋପ୍ରା ଏବଂ ତାଙ୍କ ସ୍ୱାମୀ ରାଘବ ଚଡ୍ଡା ‘ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ’ର ସେଟରେ ପହଞ୍ଚିଥିଲେ। ସେମାନଙ୍କ ପୂର୍ବରୁ ‘ସନ୍ ଅଫ୍ ସର୍ଦ୍ଦାର ୨’ର ସମଗ୍ର ଷ୍ଟାର କାଷ୍ଟ ପହଞ୍ଚିଥିଲେ, ଯେଉଁମାନେ ବହୁତ ମଜା କରିଥିଲେ। ଯାହାର ଏପିସୋଡ୍ ମଧ୍ୟ ୧୯ ଜୁଲାଇରେ ରିଲିଜ୍ ହୋଇଛି।

ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ଆସୁଥିବା ଶୋ’ର ସୁଟିଂ ସମୟରେ ରାଜନେତା ରାଘବ ଚଡ୍ଡାଙ୍କ ମାଆଙ୍କ ସ୍ୱାସ୍ଥ୍ୟାବସ୍ଥା ହଠାତ୍ ଖରାପ ହେବା ଯୋଗୁଁ ତାଙ୍କୁ ସୁଟିଂ ମଝିରେ ହସ୍ପିଟାଲ ନେବାକୁ ପଡିଲା। ପ୍ରଥମେ ସୁଟିଂ ବନ୍ଦ କରାଯାଇଥିଲା ଏବଂ ପରେ ଏହାକୁ ବାତିଲ କରାଯାଇଥିଲା। ଏବେ ପ୍ରଯୋଜନା ଦଳ ସୁଟିଂର ନୂତନ ତାରିଖ ନେଇ ନିଷ୍ପତ୍ତି ନେବେ। ଏହି ସମୟରେ ପରିଣୀତି ତାଙ୍କ ସହିତ ଉପସ୍ଥିତ ଥିଲେ। ତେବେ ପରିବାର ପକ୍ଷରୁ ଏପର୍ଯ୍ୟନ୍ତ କୌଣସି ବିବୃତ୍ତି ଜାରି କରାଯାଇ ନାହିଁ।