ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ27/07/2025 at 10:51 AM
ହରିଦ୍ୱାର: ଉତ୍ତରାଖଣ୍ଡରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ହରିଦ୍ୱାରର ମନସା ଦେବୀ ମନ୍ଦିରରେ ଏକ ପ୍ରବଳ ଭିଡ଼ ଜମା ହେବା ପରେ ଦଳାଚକଟା ସ୍ଥିତି ଘଟିଛି। ଏହି ଘଟଣାରେ ୬ ଜଣଙ୍କର ମୃତ୍ୟୁ ହୋଇଛି।
ଗଡ଼ୱାଲ ଡିଭିଜନାଲ କମିଶନର ବିନୟ ଶଙ୍କର ପାଣ୍ଡେ ଗଣମାଧ୍ୟମକୁ କହିଛନ୍ତି ଯେ ହରିଦ୍ୱାରର ମନସା ଦେବୀ ମନ୍ଦିରରେ ଏକ ଭିଡ଼ ଯୋଗୁ ଦଳାଚକଟାରେ ୬ ଜଣଙ୍କର ମୃତ୍ୟୁ ହୋଇଛି। ମୁଁ ଘଟଣାସ୍ଥଳକୁ ଯାଉଛି।
ସେହି ସମୟରେ ଫେରିଥିବା ଭକ୍ତମାନେ କହିଥିଲେ ଯେ ରବିବାର ଯୋଗୁଁ ସକାଳଠାରୁ ମନ୍ଦିର ପରିସରରେ ବହୁ ଭକ୍ତ ଉପସ୍ଥିତ ଥିଲା। ସୂଚନା ଅନୁଯାୟୀ, ଫୁଟପାଥରେ ବିଦ୍ୟୁତ୍ ତାର ଭାଙ୍ଗିଯିବାରୁ ଭକ୍ତଙ୍କ ମଧ୍ୟରେ ବିଶୃଙ୍ଖଳା ଦେଖାଦେଇଛି। ବର୍ତ୍ତମାନ ମନ୍ଦିର ପରିସରକୁ ଖାଲି କରାଯାଇଛି। ଅନେକ ଭକ୍ତଙ୍କୁ ଅଚେତ ଅବସ୍ଥାରେ ଜିଲ୍ଲା ହସ୍ପିଟାଲକୁ ଅଣାଯାଉଛି।