ସଞ୍ଜୟ କୁମାର ପାଣିଗ୍ରାହୀ30/07/2025 at 8:31 PM
ବାଲିଗୁଡା, ତା, ୩୦/୦୭:(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ ଟିକାବାଲି ବଜାର ଅଞ୍ଚଳରେ ଥିବା ବାବା ରଣେଶ୍ବର ମନ୍ଦିରରୁ ଚୋରୀ ହୋଇଥିବା ଜଣାପଡିଛି ।ମଙ୍ଗଳବାର ରାତ୍ର ପ୍ରାୟ ୨ ଘଣ୍ଟିକା ସମୟରେ କୌଣସି ଦୁର୍ବୁତ ରଣେଶ୍ବର ମନ୍ଦିରରେ ଲାଗିଥିବା ତାଲାକୁ ଭାଙ୍ଗି ଭିତରକୁ ପ୍ରବେଶ କରିଥିଲେ । ମନ୍ଦିର ଭିତରେ ଥିବା ପିତଳ ବାଲ୍ଟି, ପିତଳ ଢାଳ, ଇଶ୍ବର ପାର୍ବତୀ ମୂର୍ତ୍ତି, ସମେତ ହନୁମାନଙ୍କ ଚାରୋଟି ଆଖି ଚୋରିକରି ନେଇଥିବା ଜଣାପଡିଛି। ମନ୍ଦିରର ପୂଜାରୀ ମୁନା ମହାପାତ୍ର ସକାଳ ସମୟରେ ମନ୍ଦିରକୁ ପହଞ୍ଚି ଚୋରୀ ଯାଇଥିବା ଜାଣିବାକୁ ପାଇଥିଲେ । ପୂର୍ବରୁ ମଧ୍ଯ ମନ୍ଦିର ଭିତରୁ ୩ ଥର ଚୋରି ହୋଇଥିବା ଜଣା ପଡିଛି I ଖବରପାଇ ମନ୍ଦିରରେ ପୋଲିସ ପହଞ୍ଚି ତଦନ୍ତ ଜାରୀ ରଖିଛି । ଏଭଳି ଆଗରୁ ଟିକାବାଲି ଅଞ୍ଚଳରେ ବିଭିନ୍ନ ମନ୍ଦିର, ସମେତ ବିଭିନ୍ନ ସ୍କୁଲରେ, ପାଣି ମୋଟର, ଏବଂ କେବୁଲ ପଞ୍ଚାୟତ ଅଫିସ୍ ରେ ପସି ବିଭିନ୍ନ ଜିନିଷପତ୍ର ଚୋରୀ କରି ନେଉଥିବା ବେଳେ ପୋଲିସ୍ ପାଇଁ ଏବେ ଚାଲେଞ୍ଜ ସୃଷ୍ଟି କରିଛି।