ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ1/08/2025 at 12:16 PM
ନୂଆଦିଲ୍ଲୀ: ୧୫ ଅଗଷ୍ଟ (ସ୍ୱାଧୀନତା ଦିବସ) ପାଇଁ ସାରା ଦେଶରେ ପ୍ରସ୍ତୁତି ଜୋରସୋରରେ ଚାଲିଛି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଗାମୀ ସ୍ୱାଧୀନତା ଦିବସ ବିଷୟରେ ଦେଶବାସୀଙ୍କ ସହ ଯୋଗାଯୋଗ କରିଛନ୍ତି। ପ୍ରଧାନମନ୍ତ୍ରୀ ମୋଦୀ ସ୍ୱାଧୀନତା ଦିବସ ଭାଷଣ ପାଇଁ ଦେଶବାସୀଙ୍କଠାରୁ ପରାମର୍ଶ ଲୋଡିଛନ୍ତି।
ପ୍ରଧାନମନ୍ତ୍ରୀ ମୋଦି ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ପୋଷ୍ଟ ସେୟାର କରିଛନ୍ତି ଏବଂ ନାଗରିକମାନଙ୍କୁ ଏହି ବର୍ଷର ସ୍ୱାଧୀନତା ଦିବସ ଭାଷଣ ପାଇଁ ସେମାନଙ୍କର ପରାମର୍ଶ ଏବଂ ଚିନ୍ତାଧାରା ସେୟାର କରିବାକୁ ଅନୁରୋଧ କରିଛନ୍ତି। ସେ ନାଗରିକମାନଙ୍କୁ ‘MyGov’ ଏବଂ ‘NaMo App’ ର ଖୋଲା ମଞ୍ଚ ମାଧ୍ୟମରେ ସେମାନଙ୍କର ଚିନ୍ତାଧାରା ସେୟାର କରିବାକୁ ଅନୁରୋଧ କରିଛନ୍ତି। ପ୍ରଧାନମନ୍ତ୍ରୀ ମୋଦୀ ପୋଷ୍ଟରେ ଲେଖିଛନ୍ତି, “ଆମେ ଏହି ବର୍ଷର ସ୍ୱାଧୀନତା ଦିବସ ଆଡକୁ ଅଗ୍ରସର ହେଉଛୁ, ମୁଁ ମୋର ସାଥୀ ଭାରତୀୟମାନଙ୍କଠାରୁ ଶୁଣିବାକୁ ଆଗ୍ରହୀ! ଏହି ବର୍ଷର ସ୍ୱାଧୀନତା ଦିବସ ଭାଷଣରେ ଆପଣ କେଉଁ ବିଷୟ କିମ୍ବା ଚିନ୍ତାଧାରା ପ୍ରତିଫଳିତ ହେବାକୁ ଚାହାଁନ୍ତି? ‘MyGov’ ଏବଂ ‘NaMo App’ ଖୋଲା ମଞ୍ଚରେ ଆପଣଙ୍କ ଚିନ୍ତାଧାରା ସେୟାର କରନ୍ତୁ।”
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୱେବସାଇଟରେ ମଧ୍ୟ ପରାମର୍ଶ ଲୋଡାଯାଇଛି। “ଆପଣଙ୍କ ଚିନ୍ତାଧାରା ପ୍ରଧାନମନ୍ତ୍ରୀ ମୋଦିଙ୍କ ସ୍ୱାଧୀନତା ଦିବସ ଭାଷଣର ଅଂଶ ହୋଇପାରେ – ଏବେ ସେୟାର କରନ୍ତୁ! ଭାରତ ସ୍ୱାଧୀନତାର 79 ବର୍ଷ ପାଳନ କରୁଥିବାରୁ, ପ୍ରଧାନମନ୍ତ୍ରୀ ମୋଦିଙ୍କ ସ୍ୱାଧୀନତା ଦିବସ ଭାଷଣ ପାଇଁ ଆପଣଙ୍କ ମୂଲ୍ୟବାନ ଚିନ୍ତାଧାରା ଏବଂ ପରାମର୍ଶ ବାଣ୍ଟିବାର ସୁଯୋଗ ଆପଣଙ୍କ ପାଖରେ ଅଛି। କମେଣ୍ଟ ମାଧ୍ୟମରେ ଆପଣଙ୍କ ଚିନ୍ତାଧାରା ସେୟାର କରନ୍ତୁ। ପ୍ରଧାନମନ୍ତ୍ରୀ ମୋଦୀ ତାଙ୍କ ଭାଷଣରେ ଏଥିମଧ୍ୟରୁ କିଛି ସାମିଲ କରିପାରନ୍ତି,” ୱେବସାଇଟ୍ Narendra Modi.in ରେ ଲେଖାଯାଇଛି।